控煙｜政府強調禁指明添加劑 不會如煙草業界指「突然冇煙賣」
政府提出「控煙十招」加強規管力度，當中條例草案建議禁止在傳統吸煙產品加上指明添加劑。政府強調在煙草製造過程中必須的礦物質元素會獲豁免，「睇唔到好似團體咁講，會突然變成冇煙賣」。
立法會《控煙法例(修訂)條例草案》委員會今日開會，醫務衞生局副秘書長李力綱回應煙草業界憂慮禁止指明添加劑，會令所有香煙產品在香港市場停售，他解釋今次的禁止添加劑名單基本上與加拿大的規管名單一樣，甚至寬鬆些，例如香港在下階段才會禁止薄荷煙。而加拿大的煙草產品加味禁令自2009年生效，「一樣有合規格嘅煙賣，睇唔到好似團體咁講，會突然變成冇煙賣」。
加拿大吸煙率大幅下跌
李力綱續指加拿大的吸煙率由2010年的17%，大幅下跌至2021年的約10%，世界衛生組織亦指明加拿大是禁加味煙的好案例。不過，批發及零售界議員邵家輝指出，加拿大即使已禁止傳統加味煙，但仍然可以吸食電子煙，關注電子煙吸食率有否因此增加。衞生署規管事務總監封螢回應指加拿大電子煙吸食率有上升，但「可否講禁加味煙後，令電子煙吸食率上升？睇唔到呢個問題」。邵家輝反駁指此是邏輯問題，「點會冇直接關係」，擔心煙民會轉至私煙市場。
選舉委員會界別議員謝偉俊指出，在加拿大卑詩省，可容許藏有少量毒品，「更加勁嘅野都可以食，點解要食煙？」，關注有否同時統計吸毒率上升幅度，李力綱回應指每個地方的情況不同，香港在過去20幾年的控煙力度不錯，而禁毒的規管架構不同，不宜太將控煙及禁毒作關連。
謝偉俊關注香港社會的自由空間愈來愈少，成年人選擇也愈來愈少，希望當局在控煙執法上「唔好逼到社會，由不嬲最成功嘅地方，變到所有自由愈來愈少」。李力綱則不認同將控煙與自由掛鉤，他表示保障公眾健康是大家的共同意願，「如果下下扣上同自由角度出發，同構想唔一致」。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)