兩男童大坑道坐滑板上俯衝落斜　樂極生悲　網民反應兩極

社交媒體流傳一段驚險影片，顯示兩名男童將滑板當作「雪橇」，坐在滑板上俯衝而下。過程中兩童面露燦爛笑容，但令多名途人驚慌閃避，最終兩人「炒車」收場。

根據流傳的片段顯示，事發在大坑道落斜的行人路，兩名男童坐在一塊滑板上，雙腳懸空，僅靠重心平衡向下俯衝。隨着落斜速度增加，滑板速度變得極快，兩童猶如「人肉炸彈」。當時多名在行人路上的途人見狀，紛紛「靠邊站」。影片末段，兩名男童因速度過快，撞向巴士站廣告鐵箱，兩人一仆一碌，其後自行站起，片段亦至此為止。至於事發日期及兩童有否受傷則不詳。

事發時，一輛載有數名男子的私家車剛駛經現場，車上有人舉機拍下兩男童舉動，眾人見狀均議論紛紛，「嘩！嘩！」、「好X好玩喎！睇佢衝落去！」、「會唔會衝出嚟呀？」、「加速喇！」、「點煞掣呀？」，此時滑板落斜速度加快，車上人士見狀稱：「嘩！佢嗌X到好X開心喎！X街！」，其後鏡頭一轉，拍下兩男童跌倒地上，有人稱：「有車落真係害死！」。

影片在網上公開後，網民留言反應兩極化。不少網民專注在兩男童玩樂時的燦爛笑容：「小朋友快樂真的很簡單」、「睇下(吓)都開心。睇埋comment都好開心。快樂嘅童年治愈一生，大人唔好太拘謹。」、「難得見到仲有童真嘅細路」、「呢啲先係童年」，另有網民指兩童舉動危險：「真心危險啦，但佢地(哋)笑容好真係可以感染人」、「sorry我係咪太緊張，如果係老母見到啲仔就仆落去真係嚇X死，一陣間衝出馬路俾(畀)人車死點算。」。

東網網站 : https://on.cc/東網Facebook專頁 : https://www.facebook.com/onccnews/