李芷晴仙氣Tube Top夠Sweet　轉風格有新鮮感

女神李芷晴（Step）在處境劇《愛．回家之開心速遞》中，因飾演「Elaine」一角而深入民心，又憑姣好外貌及甜美笑容圈粉無數，參與戀愛真人騷《女神配對計劃》後更是人氣急升，雖然最終沒有配對成功，但從中學會獨立和識得欣賞自己多啲，亦識到很多新朋友，收獲滿滿。Step平日不時在社交平台分享靚相，通常呈現清新充滿仙氣的感覺，近日她在社交平台晒出一輯以全新造型亮相的寫真，身穿牛仔Tube Top及牛仔長褲的她既甜美又型格，Step更寫道：「第一次嘗試呢個風格，Sweet得嚟又有啲型，唔知你哋又鍾意我邊個樣多啲呢？」相中的她更全程不茍言笑，不斷對着鏡頭擺出型格甫士，展現出她的多變性，令粉絲相當驚喜，不禁感嘆：「平時睇慣你笑，今次好cool」，獲Step自爆回覆：「需要佢哋不停嘅鼓勵，成日都忍唔住笑。」

東網網站 : https://on.cc/東網Facebook專頁 : https://www.facebook.com/onccnews/