張敬軒做Sir做上癮　曾遇粉絲偷飲口水尾

歌手張敬軒今日（10日）到尖沙咀出護膚品活動，分享護膚心得，他笑稱現在的年紀一定要懂得好好護理皮膚，亦會在飲食方面着手，實行內外兼備養生，他説：「後生捱得多，依家每日一定會畀自己瞓7、8個鐘，勤力做護膚，戒糖、咖啡，凍飲間唔中一杯獎勵自己。」

談到曾合作的好友關淑怡（Shirley）日前在家中暈倒，隨即緊急送入醫院深切治療部（ICU），軒仔表示有留意報道，自己也很關注事件，不過現階段應交由對方家人去照顧她，暫時不宜打擾對方，指自己小時候也曾住院，明白家人的擔心。他表示以往跟Shirley間中也有聯絡，不過自疫情開始減少了，祝願對方早日康復。

至於早前他開班教授音樂，軒仔透露講座主要分享音樂及表演上的心得，希望令更多人獲益，尚餘數堂便會完成，更笑言當阿Sir當上癮，他説：「好開心，有少少返唔到轉頭，原來咁樣教學、同年青人互動，畀佢哋激吓都幾開心，頂心杉，哈哈！」他笑指課堂上會與學生互窒對方，氣氛愉快。

不過提到日前有片段流出，疑似他在課堂上指有粉絲的行為令他感到無奈，軒仔回應説：「我相信大部分嘅Fans都係我歌迷，咁多年都冇遇過瘋狂Fans，但有一日課堂完咗，我台上有隻飲水杯，以往工作人員會盡快收返，嗰日可能慢咗少少，當大家落堂嚟台前影合照，後來佢哋見到有個女孩子攞起我飯過杯水飲咗啖。」他指事件令他感到很怪，笑言對方可能太口渴：「衞生問題，雖然我好健康，但都唔好吖。」他明白自己眼前一切得來不易，對這個年紀還可以有「00後」粉絲支持相當感恩，明白現時新一代觀眾對表演者有所謂「Fanservice」的期望，自己也會嘗試去了解和體諒，尤其經歷過疫情，大家山長水遠也要來見他，因此自己能做到的都會做。

但近年粉絲聚會發生的事情卻令他開始自我檢討是否做多了，他説：「試過有Fans拍我隻腳一下，其他Fans見到又會唔開心，又好容易有個羊群效應，覺得可以拍我甚至搣我一下，我覺得大家之間嘅尊重會少咗。（保持返距離？）與其咁講，不如話大家都掌握好個距離。」他笑指自己工作和拍拖也一樣，甚麼都會拿出來講，故此才會在課堂中嚴肅地提起這件事。

東網網站 : https://on.cc/東網Facebook專頁 : https://www.facebook.com/onccnews/