好睡好起｜Lucy唔願瞓爆喊扭計 李璨琛自責夜瞓影響女兒

Lucy一聽到話要瞓覺即刻爆喊。

無綫節目《好睡好起》本周四（8日）播出的第五集主題是「從小『瞓』練」，節目指出，根據亞太區兒科睡眠協會的調查發現，香港BB是全球最夜瞓BB，今集三位主持方東昇、黃曉瑩及李曉欣找來兩個不同風格的家庭，分別是李璨琛及「睡眠專家」教大心理系副教授劉月瑩，探討「瞓覺」是否有得教，亦會以實驗式手法嘗試解決小朋友「唔願瞓」的難題。

第五集最吸睛代表非李璨琛女兒Lucy（李元元）莫屬，「出名唔鍾意瞓覺」的Lucy，拍攝期間表現生猛，不斷做鬼臉及四處撩人玩，又大跳「兔仔舞」。面對李媽媽及主持黃曉瑩兩大高難度提問：「BB，你係咪唔鍾意瞓覺」及「你係咪見到爸爸媽媽唔瞓，所以你都唔瞓？」，Lucy均以「神反應」輕鬆帶過。

兩母女互動很有愛。

對於女兒「唔願瞓」，李媽媽梁志瑩（Sophia）分享「催」眠日常：「要去到最尾嗰刻，好似趕豬咁樣趕佢……總之佢一定會Chur到自己得番0.01格電（先肯瞓）。」李璨琛除自覺「夜瞓」習慣影響女兒，又真情剖白為何會「夜媽媽」陪女兒玩遊戲，「想盡量彌補番唔喺屋企嘅時間。」攝製隊實時觀察，臨近就寢時限的Lucy不但零睡意，採取拖延政策拉着父母大玩特玩，當媽咪勒令睡覺時更爆喊扭計。

李氏夫婦坦言為了女兒，有想過改變現時的作息時間。