《2023 TVB 年中節目巡禮》 張振朗劉穎鏇佔兩劇受力捧 胡定欣減產揀有質素角色

《2023 TVB 年中節目巡禮》今日在會展舉行，近百藝員出席場面熱鬧，巡禮中介紹TVB、明珠台及J2台節目，無綫更重點推介8套皇牌劇集，包括：《破毒強人》、《異空感應》、《奪命提示》、《靈戲逼人》、《羅密歐與祝英台》、《香港人在北京》、《旁觀者》及《新聞女王》。

張振朗多謝公司俾機會，又表示好開心這半年又可以拍劇集及綜藝。

八套新劇中，陳豪及張振朗各佔兩套，被無綫力捧的張振朗說：「多謝公司俾機會，好耐無試過，無壓力好隨緣，劇中講我要作曲，所以要彈琴，可以試不同嘢，而且又可以唱插曲，希望觀眾喜歡。（有望攞視帝？）今次演角色同以往不同，獎項其次，但開心可以試新嘢，希望年頭撞親頭，之後可以行好運，我好開心這半年又可以拍劇集及綜藝。」與張振朗合作兩劇《靈氣迫人》及《奪命提示》的劉穎鏇，同樣是女演員中拍得最多劇，她更為《靈》劇學大戲，「兩齣劇都好大突破，《靈》第一次唱粵劇，係好好的經歷，又要化大戲妝，自己都好有興趣學唱女聲，學下造手。」

胡定欣今年有新劇《破毒強人》出街，問到是否減產？她說：「又唔係，不過唔會好似以前咁多產量，但開工永遠都係開心，可以演到自己喜歡的角色，暫時下半年都毋須拍劇，休息下，但又怕太輕鬆，好想再接好角色，自己都習慣工作，但每個階段都不同，以前又忙到無得瞓，但現階段又不想忙到劇接劇，反而希望接拍有質數的角色。」除了劇集，無綫也推出多個綜藝節目，包括：《貝遊歐洲》、《歐洲鐵騎遊》、《約埋班 Friend 去旅行》、《尋找世界另一個我》、《森度遊》、《北上搵食團》、《日本限定Super遊》、《日本18種住法》、《國際中華小姐競選 2023》、《香港重案》、《肥媽李鼎2》、《煮東煮西》、《中年好聲音2》、《投資 Let’s Goal》及《101 次求職》。