梁煒謙拍新歌《Midnight Call》MV 感受做上班族

樂壇唱作新人梁煒謙（Vince）今年5月正式出道並推出首支個人單曲《夜雪》，近日推出第二首派台作品《Midnight Call》，以輕快的R&B節奏融合小清新風格，細膩描繪數字時代下曖昧悸動的浪漫情感。Vince說：「首歌係講男仔或者女仔，跟初戀或者曖昧對象深宵傾電話嘅感覺，呢個情景係好甜蜜亦好浪漫，我想將呢個感覺擺落歌曲裏面。」

問他《Midnight Call》靈感來源？他笑言「唔多唔少」是本人親身經歷，「嗰時同對方傾電話傾到好夜，其實真係同歌詞差唔多，『隔空欣賞了，每天好天氣』，點解會咁講呢？因為我睡房有個窗，對住個窗傾傾吓發現原來傾到日出，呢個時刻係好深刻，所以就將呢個感覺寫落首歌度。」

Vince在《Midnight Call》包辦作曲和填詞，跟編曲人Dominic Kwok聯合監製。拍攝新歌MV時，Vince亦有加入很多個人意見：「我跟導演係同時間有相同靈感，認為今次歌名係《Midnight Call》，於是我哋就用『Call』做切入點，想到最多『Call』是電話接線生，於是我就扮演公司裏面嘅接線生，不斷接『Call』！」Vince最難忘MV的西裝造型，首次體會到做「社畜」感覺：「我平時好少着西裝，因為仲係學生（生物醫學系學生），之前做過嘅暑期工或者去醫院實習，都未試過着西裝，亦未試過去office景拍攝，今次好似試咗做寫字樓工作，非常有趣。」

（即時娛樂）