劇壇一姐之爭︱李沁靠「走光」圖　惡撼楊冪筷子腳

有「古裝女王」之稱嘅內地女星李沁，近年人氣急升，同內地當紅花旦楊冪直頭有得揮，加上李沁演一套劇就紅一套，就好似大熱劇《慶餘年》、《如懿傳》、《狼殿下》等，又獲封封為「最美香妃」，依家佢發力猛追「一姐」之位，估唔到就連鏡頭外佢哋都要鬥！日前楊冪以全白色希臘女神裝出席公開活動，斜膊露肩、大騷螞蟻腰兼超高衩晒筷子腳，完美Carry女神造型，原來另一邊廂，李沁都公開新相，見佢着住墨綠色One Piece，側身踎地，雙手抱膝，相當有意境，不過佢就裙仔太短，踎低後露晒成條大髀出嚟，差啲就走光，佢仲留言自爆喺垃圾堆入面影靚相：「被帶到垃圾堆裏拍照的時候 我一直在思考三個問題 我是誰？我在哪？我在幹甚麼？」估唔到女神影相都別有風「味」。

東網網站 : https://on.cc/東網Facebook專頁 : https://www.facebook.com/onccnews/