麥明詩傳撻著靚仔機師男友 十二字回應新緋聞

麥明詩自2016年與林作分手後，4年間傳出不少緋聞，一直否認有新戀情的她近日被爆有個飛機師緋聞男友Keith。在日前一集《後生仔傾吓偈》中，麥明詩的飛機師緋聞男友Keith擔任嘉賓，主持陸浩明明顯早知道二人關係，在節目上不斷追問Keith關於麥明詩的問題，搞到Keith當場紅都面晒，今日麥明詩就在ig回應新戀情。

文：東方新地 ｜ 圖：麥明詩IG、TVB截圖

麥明詩飛機師緋聞男友Keith力讚：「好聰明，人好好。」

麥明詩的飛機師緋聞男友Keith外型高大俊朗，Keith在最新一集《後生仔傾吓偈》中自爆年屆30歲，當飛機師差不多4年，人工月入六位數字，絕對是航空界筍盤，同「十優港姐」麥明詩十分合襯。節目中，Keith大方承認與麥明詩最初是經朋友介紹下踩單車認識，主持陸浩明不斷追問Keith覺得麥明詩有咩吸引之處？搞到Keith當場紅都面晒，怕怕羞羞咁答：「我覺得佢好好人，好聰明，人好好。」

麥明詩對靚仔機師派檸檬

正當大家關心麥明詩與靚仔機師Keith新戀情，已一周未有更新ig的麥明詩以十二字指二人是朋友關係，多謝關心！看來Keith尚未攻撼女神芳心，要加倍努力了！