高鈞賢做直播推廣生意　與愛妻交流心得　

藝人高鈞賢今日（10日）現身啟德出席金融品牌新品發布會，提及他現今是旅遊達人，他笑指自己近年來都不斷分享，加上他覺得現在有很多網上平台，亦很開心和幸運一早加入賽道，因為自己在這行工作多年，好多時都要經歷等待工作的狀況，又憶述當年做生意失敗虧損7位數金額的事，但現今有更多新興平台可以去宣傳，因此如今做生意比當年順利得多。他續指現今工作上不會「限死」自己等節目或角色搵自己，而是除了拍劇外，亦會拍攝短影片或接拍直播去推廣自己的生意。

提到他太太亦經營美容相關的生意，兩夫妻會否交流生意經？他表示：「都會㗎，我比較欣賞佢嘅係因為佢自己都係好好獨立嘅女性，同埋佢係生意上邊，好得到同事嘅認同，好多時候我share返我嘅概念畀佢，佢都會分享吓佢啲經歷畀我（邊個做生意叻啲？）佢叻啲啦梗係（叻係邊？）佢叻係諗橋」，他又透露太太現時會幫他接香港的工作。問到太太會否抽佣，他笑言是自己抽太太佣，解釋兩夫妻工作的薪酬不分彼此。

問及他成為丈夫及爸爸後的理財觀念是否有改變，他分享會考慮小朋友的教育，但他與太太都想在工作上拚搏，會花心機去分配時間給工作和家庭，更自爆近日與太太定立了一個新規矩：「工作有時要去不必要嘅應酬，近就話ok啫，遠嘅要去幾日就會掉低另一半係屋企，我哋就定規矩，例如我去幾日，每一日都要擺低5位數（金額），你可以買自己鍾意嘅嘢，其實係好嘅，可以建立返大家都要努力去工作之餘兼顧家庭」，又笑言可能自己即將要執行新規矩，因為正相討之後到海南島拍攝短劇。

今年升級為新手爸爸的他自認是稱職的爸爸，表示女兒一見到他便會笑，亦是自己替女兒剃成光頭，鼓勵做完電療和化療的媽媽，直言湊bb的經驗都幾好，更透露黃翠如亦有私信他詢問bb的用品。近年主要在內地發展的他主要定居深圳，因為bb有24小時月嬸照顧，到港工作亦相當方便，他又指媽媽身體狀況康復得很好，只需要在飲食上令身體更強壯，間中也會上深圳探望bb。

而有份參演《新聞女王2》的他透露深圳戲份已拍完，但香港戲份預計要拍到7月尾，問及他是否要同時兼顧拍攝和7月尾在廣州舉行的音樂會排練，他則指：「係啊，本身要5月開我已經推咗個個時間，因為咁啱《刑偵12》上咗，覺得自己辛苦忙啲都要完成自己一個處男嘅音樂會，因為都係一個20年嘅回顧，比好多支持我嘅觀眾同粉絲，可以大家一個好close見面嘅音樂會。」

東網網站 : https://on.cc/東網Facebook專頁 : https://www.facebook.com/onccnews/