Sammi帶挈紅館對唱許志安場場做嘉賓狀態飄忽惹網民猜疑

1.鄭秀文（Sammi）一連13場演唱會補場日前紅館開鑼，作為「復出」頭炮，請來了許志安驚喜現身合唱〈世紀末煙花〉

2. 今次為自「安心事件」後，二人首度同台合唱，現場歌迷都相當驚訝，演出時二人並沒有對談，只是情深對望，盡在不言中

3. 網上亦流傳出第一場對唱片段，有網民質疑，〈世紀末煙花〉為許志安首本名曲之一，但許志安狀態只屬一般，聲帶肌肉明顯緊張，「狀態麻麻地」、「把聲完全唔係狀態」、「幾有愛先會拎自己個show幫佢洗底」、「如果我係觀眾唔知比咩反應好」

4. 至第二場開始，許志安狀態明顯恢復，推斷是首場太緊張所致，但衣著一樣被彈「件西裝外套Over size」、「條褲闊到呢」、「走出嚟就80年代咁」

5. 有消息指，許志安為演唱會固定嘉賓，即買任何一場演唱會飛的觀眾都可以觀看二人「恩愛show」，有歌迷就投訴「我係鄭秀文，唔會叫佢老公唱多過一場⋯」、「頭場ok ；取到noise 不要晚晚」、「依家好似多咗」、「兩位都好尷尬好唔自然，何必呢」、「係真大量，定唔衰得」、「搵錢至上」

6. 有fans反擊「你們愛mi也請尊重她留點口德」、亦有網民慨嘆Sammi「到底要有幾愛先可以做到咁？希望杜（許）生唔好再令佢失望」

7. 有傳媒亦搵返N年前雜誌新秀歌唱大賽後訪問，當年16歲嘅Sammi就指自己嘅偶像有曾江同埋許志安，之後感情橫跨逾30年，許志安於2001年在勁歌金曲頒獎典禮奪得最受歡迎男歌星所講嘅「廚房宣言」，更成為咁多年以嚟嘅經典！

8. 「安心事件」令許志安事業重創，自承認為「壞咗嘅人」後，一度無限期退出演藝事業

9. 但自獲鄭秀文公開原諒，事件女主角黃心穎，亦於去年10月與RubberBand成員「泥鯭」黎萬宏結婚，風波平息後，許志安開始「回歸」於大眾，繼出席TVB慈善show，近日又出現於《芷珊約您》，自言事件後「嗰刻嘅我係人生最…痛苦、最黑暗，睇嘢冇顏色。」

10. 許志安早前就指：呢個傷疤會跟住我一世，成為提示我做人嘅方向，婚姻得來不易，近月多對娛圈夫婦公佈「分」訊，希望許志安好似Sammi所講「人同事，最緊要係兩個字，珍惜。」

11. 但話返轉頭，一個男人對自己不忠，可以原諒唔追究，之後更協助對方重拾事業，試問有幾多女人可以做到？

娛樂