《恨駕女團》應節 車廂變「靈異燈光騷」周家怡紅衫截的士嚇親李靖筠

由周家怡、李靖筠（Gladys）及海兒（Hedy）主持的節目《恨駕女團》，不單止講車經，最近又有新搞作，推出「車主日常小劇場」，之前的「燥底司機」、「霸王硬上車」及「野餐人」等主題，已笑到觀眾肚痛。趁臨近農曆7月，「恨駕」團隊決定「應節」，最後變成嚇自己！

首部「嚇鬼」系列，家怡跟Gladys於車廂中試玩新買的「氣氛燈」，本來想營造浪漫feel，豈料變成恐怖片現場！甫開始家怡按下紫色燈，Gladys冧爆表示「少女感爆棚」，但家怡即耍手擰頭：「唔好啦掛？」轉紅色燈後，家怡又謂似神枱燈；轉橙黃燈，家怡直說「似入咗賭場」；最後轉到青色燈，光線由下而上射住塊面，Gladys指「幾有feel」，但家怡已經面青：「唔好呀嘛，鬼節咁喎！」

當家怡想再轉燈之際，卻發現轉不到，原來2人已經玩壞了燈，未能熄燈但又轉不到燈，2人頂住「青光面」開車走人，街坊見到亦嚇餐飽呢﹗

第2個小劇場更驚嚇，Gladys正在開車，突然見到前面有個「紅衣女人」，全身泛住詭異紅光向她招手，嚇到Gladys騰騰震！定神一看，原來是家怡穿了紅色連身裙截的士，又正正站在新型過路裝置下，紅燈公仔亮起時，會投射紅光提醒行人，結果家怡成個人「紅噹噹」，Gladys回過神來道：「唓，好人好姐做咩着到咁呀，黐線㗎？啲阿姑真係吖！」不少網民讚內容高質兼爆笑：「真係好鍾意你哋啲短片。」

（即時娛樂）