【全民造星3】葉小妍被foul賴死唔落台 卓韻芝難忍魔界級歌聲：你令我好難受
《全民造星3》播出個多星期以來話題多多，由於今輯以藝人再出道為主題，參賽者有一定演出經驗及入行多年，評判對參加者要求自然提高，並在83位入圍參賽者中選出真正的五十強。《全民造星3》最新一集（10/11)中一位待出道的31歲葉小妍，一開口展示地獄級歌喉，震懾在場人士，被叮出局，葉小妍竟死𦧲唔肯落台，不斷同評判卓韻芝等拉鋸，花生指數勝過其演出。
文：東方新地 ｜ 圖：ViuTV截圖
《全民造星3》葉小妍突然叫停加插玩魔術
《全民造星3》參賽者葉小妍一出場以娃娃音表示自己的世界是粉紅色的，沒有戰爭邪惡，希望大家進入她的世界，葉小妍選唱Avril Lavigne〈My Happy Ending〉，唱了一句後突然叫停，用娃娃音話：「呀﹗唔好意思呀，我想表演一個魔術呀﹗」然後變出一個結他pick，可惜魔術表演得不到大家讚賞，大家都未能看清她變出了甚麼，被花姐寸爆：「哈，呆咗，多謝你呢個開場白喎﹗」
《全民造星3》評判卓韻芝直斥葉小妍水準奇差
隨即葉小妍再次演唱歌曲，但一開聲音域不穩，頻頻走音，高低音及拍子幾乎全甩，英文咬字又不清晰，評判皺晒眉，卓韻芝更黑晒面口，獲得三盞全紅燈，卓韻芝毫不留情話：「你揀唱英文歌，但冇一個英文字咬得正，你點解唔聽吓自己唱成點呀？」
《全民造星3》葉小妍求評判畀次機會
小妍不願接受賽果，抱住結他賴死唔肯走，喊住話：「因為我太緊張，求求你哋畀機會我﹗」司儀強尼示意小妍落台：「希望下次比賽有機會再見到你﹗」不過小妍繼續賴死唔肯走喊住話：「求吓你啦，我真係好努力㗎﹗我彈結他練到手指腫晒，我真係唔想離開呢個舞台，嗚嗚嗚~~」
花姐叫停機請葉小妍落台
睇見小妍淚灑當場唔肯落台，卓韻芝更加火起：「呢度在座有邊個唔係好努力㗎？你唔好啦，頭先你表演嗰一分鐘令我好難受呀﹗」花姐見小妍情緒激動又不肯落台，立即叫暫停錄影，停機請小妍落台。
《全民造星3》葉小妍熱愛玩Cosplay
現年31歲的葉小妍除了本身是一位魔術師外，平時熱愛玩Cosplay，角色唔性感唔玩，不時出外私影及在家自拍自娛，大騷其激凸身材，Cosplay扮相吸引過其歌喉。