自家熬煮咖喱沾麵｜Curry Boy｜大圍

話說啲特別熱嘅國家，係特別鍾意食咖喱，雖然科學話比我地聽，食咖喱係會特別散熱同開胃。不過都好想知道，到底當地第一位食咖喱嘅古人，係點樣係熱帶氣候發明咖喱，仲要發現越食越涼爽咁m底。

黎到現代煮咖喱有兩種，一種打開咖喱磚就得，另一種就真係自己熬煮，好似呢間近年爆紅嘅咖喱咁，用足足廿幾種香料同材料，仲要少有地熟成12個鐘，應該呢到先有，最近竟然仲出咗咖喱沾麵。

-
🍝咖喱沾麵 配主菜 ($98)
咖喱沾麵都係第一次見，咖喱特別調較過，濃厚掛滿麵條，但唔好以為會好濃好膩，佢係帶微微酸甜，越食越開胃，而最正當然係香料層次都係咁豐富。

🍜燒牛骨湯麵 配主菜 (冷$98)
相信因為夏天，佢地都特登出咗款冷麵，仲要係燒牛骨湯，都係真材實料熬煮，飲落係真係舒服順喉，涼浸浸更加爽，仲有加入啲蔥段，就再帶點辛香咁。

🥘麻辣鬼椒咖喱飯 配主菜($118)
如果真係要極辣，促進血液循環果啲朋友，一定要試下呢款鬼椒咖喱，真係極辣極爽，而且帶微微麻香，非常令人上癮。(不過而家好似有得揀小辣)

🔸主菜 (選一)
🥢黑毛豬肉餅 🥢黑啤牛肋肉(+$10)
🥢鼠尾草烤雞 🥢吉列炸蝦
上邊每款咖喱都會跟上主菜，超建議大家揀豬肉餅，都係佢地自家製，即刻煎起，煎到仲係外層焦脆，內裡仲有肉汁同豬油脂。

🥓蒜蓉包 ($38)
而如果食得落，一定要叫埋呢份蒜蓉包，大家碌返上條片，睇多次份蒜蓉包，就知幾金黃幾靚仔，經過都想買份外賣走。

-
Curry Boy
🗺️大圍積運街2-8號海福花園商場地下22號舖
📞70751555

▼Follow foodiegogoooo
Instagram: https://www.instagram.com/foodiegogoooo/