陳懿德晒性感唔使問羅天宇　波波冇人管放任騷身材

藝人陳懿德（德德）與黃婧靈（波波）今日（16日）出席無綫綜藝節目《大師兄Welcome Summer大激戰》記者會，問到二人是否節目中的性感擔當？德德坦言有波波在不敢當，又笑指張弛豪（Aska）在節目中被要求除衫一幕，大家也看得「嘩」出聲，又大讚孔德賢身材好，問到與緋聞男友羅天宇相比誰較好？她笑言：「羅天宇我就唔係好知，所以我就覺得Aska。」身旁波波即發功説：「嗰日玩嘅時候喺『天宇』路滑，到夜晚都喺『天宇』路滑！」德德則笑稱明明對方並非節目嘉賓，卻從首天拍攝便一直也聽到「天宇」路滑，覺得羅天宇一直都在，認為對方應該可以拿騷錢。問到羅天宇有否阻止她性感？她說：「咁佢又冇嘅，我自己決定，我係獨立現代女性。」波波則自嘲因沒人管，笑稱比德德更獨立。提到馮盈盈稱她是「自動波」，波波笑謂：「我都係畀人叫出去，係『逼波』！」德德即認同表示波波身材相當震撼，自己也要認輸。

同場的鄺潔楹（Judy）被問到節目中有否騷身材？她笑言：「唔使到我，可能冇特別保養，覺得身材都縮咗啲，哈哈！如果保養得宜再騷。（男朋友有冇提出？）咁又冇，可能佢唔覺。」對於日前被拍得現身九龍城到處遊逛，被指疑似找舖位開分店，她笑言當日只是去吃海南雞飯，坦言又現時市道差，自己的曲奇生意也暫停了一年，現只剩下黃竹坑的服裝店。

東網網站 : https://on.cc/東網Facebook專頁 : https://www.facebook.com/onccnews/