陳克勤嫌閉路電視數量不足兼技術低 蕭澤頤：有空間加大、循人臉識別方向研究

（獨媒報導）政府計劃今年內在全港615處安裝2,000部閉路電視，日前率先在旺角安裝15組鏡頭作技術測試。民建聯陳克勤質疑2,000支數量不足，而且技術含量較低，認為應參考內地、英國加設人面識別功能，藉閉路電視加強滅罪工作，呼籲警務處提升閉路電視的科技元素。警務處處長蕭澤頤回應稱，有空間加大閉路電視的數量，並會循增設人臉識別的方向研究。

立法會特別財委會今午會議討論保安部分，陳克勤稱海外、內地都已安裝高科技設施作城市管理、防罪滅罪工作：「2,000個聽落去好似好多，但係其實同其他城市對比，倫敦有69萬支，新加坡都有9萬支，我哋隔離埠澳門1,700支。」他指出，以2,000支拉勻計算，18區每區只有約110支：「我就好懷疑嗰個作用夠唔夠，同埋係咪起到可以嗰個防罪、滅罪嘅意義喺度？」

陳克勤質疑缺人臉識別找能 蕭澤頤：向其他國家技術借鏡

除了質疑數量不足， 陳克勤稱，現時的閉路電視技術含量較低：「淨係影住啲人行嚟行去咁樣，就連基本嗰啲人臉辨識系統都未必有。」他表示，內地公安會借用具人臉識別的攝錄機，在張學友演唱會拘捕80名通緝犯，英國亦在英王查理斯的加冕禮拘捕了一名通緝犯：「你睇到呢啲科技呢，基本上係幫到我哋去滅罪嘅。」

蕭澤頤回應時指完全同意，全球安裝閉路電視的目的都是防罪、滅罪，藉此減低罪案，令市民能夠安居樂業：「呢個係不變嘅道理。」蕭澤頤稱絕對有空間加大，指英國在90年代已開始安裝閉路電視，全國至今共有730萬支閉路電視，其中擁有900多萬人口的倫敦就已有80萬支，新加坡在2030年舉行亞太經濟合作組織，將加裝至20萬支：「市民係催促新加坡警方，能夠喺佢哋住嘅地方加裝多啲。」

蕭澤頤：市民可向警民關係組反映建議加裝地點

至於加裝新技術，蕭澤頤則稱會向其他國家的技術借鏡，包括人面識別功能：「呢個我覺得嚟緊，都係一定要循呢個方向去做，從而能夠令到呢啲CCTV系統更加有效可以防罪滅罪嗰個效果。」

另外，陳克勤問警務處，如市民希望提供加設閉路電視地點的建議，是否有相關反映途徑。蕭澤頤表示，市民可以向其所屬地區的警民關係組反映。

狄志遠關注警隊添置武器開支金額 保安局：不宜公開

新思維的狄志遠以書面查詢問警務處增加預算，即添置武器、裝置開支的金額，保安局回覆稱，警隊購入各種武器及裝備的開支涉及警隊行動部署細節，不宜公開。

狄志遠在會上要求鄧炳強解釋：「買設備，你買多架車，買多把槍，出嚟都睇到，所以可唔可以解釋吓呢？淨係話不宜公開，涉及細節，我哋做立法會議員就好難監察，呢方面係咪恰當嘅？」他促保安局公開今年的開支，並與去年作出比較：「多少少資料俾我哋，評估下呢個數字係咪適合？」

鄧炳強：全世界執法部門、軍警都會非常小心處理

鄧炳強就解釋「不宜公開」的原因：「畀人知道咗用啲咩武器，人哋就會⋯⋯有心危害我哋國家安全嘅人呢，識得用返一啲相應嘅嘢，研究我哋用啲咩武器， 從而去到付我哋，我覺得呢個係好危險。」他表示，全世界執法部門、軍警均會非常小心處理。

狄志遠再追問，保安局能否只交代較去年增加的金額。鄧炳強一口拒絕：「我哋買咩類型，增加幾多，都係危險嘅數字嚟嘅，因為人哋會從呢啲去估算到㗎嘛，所以我哋都係呢啲資料都係不宜公開。」

1,350人自願參與「沿途有『理』」 懲教署：再犯比率低

選委界管浩鳴關注懲教署協助在囚人士重新融入社會，問到「沿途有『理』」計劃的成效，包括參加人數，當中涉及2019年反修例的人士，及署方是否已評估他們是否過去的違法行為深感悔意。

無綫翡翠台去年播出《有法安國》的國安法資訊節目，《香港國安法》首案被告唐英傑、在2019年10月1日荃灣衝突中，被警方開槍射中胸口的「健仔」曾志健就分別出鏡，他們都參加了懲教署的 「沿途有『理』」計劃。

在會議上，懲教署署長黃國興提到，截至2024年3月31日共有1,350人自願參與「沿途有『理』」計劃，當中七成五涉及因參與反修例而被定罪判監，當中610人為涉及反修例案件被定罪的在囚人士，其中94%屬自願參與：「大部份佢哋都係積極去參與，而且反應都非常之正面。」

黃國興表示從參與率可見，計劃普遍獲得在囚人士認同，而計劃自2021年11月推出至今，曾參與計劃而刑滿出獄滿2年以上人士共114人，再犯罪率為1.8%，較其他在囚人士的犯罪率27.1%為低，形容成效理想。