周家怡紅衫截的士　驚變「靈異事件」

由英皇藝人周家怡、李靖筠（Gladys）及海兒（Hedy）主持的網上節目《恨駕女團》最近有新搞作，推出「車主日常小劇場」，趁着臨近農曆七月，「恨駕」團隊決定「應節」嚇鬼，最後卻變成自己嚇自己。

首部「嚇鬼」系列，家怡跟Gladys於車廂中試玩新買的「氣氛燈」，想營造浪漫feel，家怡按下開紫色燈，Gladys還冧爆表示很有少女感，家怡立即耍手擰頭，於是轉開紅色燈，卻被指似神枱燈，黃燈又似入賭場，最後轉到青燈，光線照射下，Gladys直指「幾有feel」，但家怡已經面青：「唔好呀嘛！鬼節咁喎！」正當家怡想再轉燈時，卻發現燈掣被弄壞，二人被青燈照臉，差點嚇壞途人。

至於第二個小劇場更加驚嚇，Gladys正在開車之際，突然見前面有個「紅衣女人」向她招手，Gladys被嚇破膽，定神一看，原來只是家怡穿了紅色連身裙截的士，右上紅燈公仔亮起時紅光，令家怡整個人泛起紅光，Gladys表示：「唓！好人好姐做咩着到咁呀！黐線㗎！啲阿姑真係吖！」不少網民都留言「嚇死！」，不過就大讚內容高質兼爆笑：「真係好鍾意你哋啲短片。」

東網網站 : https://on.cc/東網Facebook專頁 : https://www.facebook.com/onccnews/