伍允龍證吳建豪身體無異樣：佢手瓜好勁　

藝人伍允龍今日（13日）以觀眾身份出席電影《逆轉上半場》宣傳活動，他大讚電影熱血又勵志：「我向來好鍾意關於運動嘅電影，中學時都有踢過足球。」片中有不少小演員參與，他稱拍戲甚少跟小朋友合作，但以前曾是小學老師教設計，很受學生歡迎：「佢哋好鍾意我，小息會搵我同佢哋踢波。（特別受女學生歡迎？）所有學生都好鍾意我，因為我教嗰科冇乜壓力。」提到女友李蔓瑩所住大廈火警鐘誤鳴，嚇得她抱愛貓走火警，他稱女友事後有跟他說：「佢係有啲緊張。（你有冇教佢點處理？）我唔係專業人士，我叫佢打去管理處問清楚先。」另外，對於好友吳建豪近期被指突然暴瘦，令人擔心其健康狀況，他笑言：「佢大隻過我，佢手瓜好勁，只係相片角度問題。」他表示跟對方及其他好友有通訊群組，有朋友在群組內轉發相關新聞：「吳建豪睇到話有冇搞錯，我咁大隻，第二日佢喺社交網發文澄清。（你最近有冇見過佢？）我哋成日喺電話傾偈，個幾月前見過佢，唔覺得佢瘦，係影相角度。（有冇問佢身體有冇事？）我哋好close，好清楚對方狀況，佢冇事，佢好健康，佢準備緊演唱會。」至於工作方面，他透露有幾部電影正在進行後期，但未知何時上映。

東網網站 : https://on.cc/東網Facebook專頁 : https://www.facebook.com/onccnews/