Day@COLLAR新歌玩小清新　中二病發作與羊咩咩演對手戲

COLLAR成員許軼（Day）今年個人出道，繼早前單飛推出首支個人單曲《Wait A Second》後，昨日（14日）再推出第二首歌曲《hold on》，曲風以小清新為主，帶出「中二病」的想法。今次MV對手卻是半歲大的「羊咩咩」，拍攝期間羊咩咩與Day一拍即合，拍攝過程順利，Day笑言十分榮幸。

Day直指，第一次聽《hold on》Demo時已立即勾起她「中二病」的想法。「呢首歌其實有好多解讀，可以話係講一首situationship嘅歌，但自己對呢首歌解讀係幾『中二病』想法，例如：兩個唔同時空嘅東西，永遠見唔到大家；又或者，一棵細嘅樹畀一棵好大嘅樹遮住，永遠見唔到日出；又或者紅燈同綠燈，永遠無法正面望住大家。」

今次MV除了找來香港藝術家Heidi加插繪畫動畫之外，亦特別邀請張蔓姿為MV執導，Day大讚對方：「一路有睇Gigi（張蔓姿）執導嘅MV，覺得佢拍嘅嘢全部都好靚，好鍾意佢嘅感覺同藝術風格，覺得佢好適合呢首歌，小清新風格得嚟又cool cool哋，第一次同佢傾合作已經好順利，佢內心都係cute cute嘅女仔，我哋大家言談甚歡。」

至於對手「羊咩咩」，Day坦言雖然埋位前，羊咩咩一度表現震騰騰，但經過一輪「相處」後，Day與羊咩咩漸漸混熟。「隻羊喺MV度係一個重要角色，同羊合作，比想像中順利好多，雖然佢要一段時間適應，但佢適應咗之後真係好乖，佢好得意，而且又好細隻。當我哋傾咗一陣偈就Friend咗，佢仲肯畀我摸，又願意同我坐得近啲。」

COLLAR團歌亦曾經跟鸚鵡合作，今次Day再與羊咩咩演對手戲，她表示：「好正呀，好有趣，今次係專登將隻羊運嚟拍攝現場，特別邀請佢嚟，好榮幸可以同羊合作。」