魏浚笙為工作無法送離世家人最後一程　新歌道盡無奈與掙扎

藝人魏浚笙（Jeffrey）最近推出新歌《白色踢死兔》，道出「The Show Must Go On」的無奈與掙扎，上架後感動不少「社畜」，勾起一眾打工仔的共鳴，講到新作的靈感，Jeffrey表示：「係源於2月我喺日本拍戲時，收到家人離世嘅噩耗，奈何日本嘅工作簽證係一次性，變相唔可以離開劇組，加上每天都要開工，同劇組預算問題，令我冇辦法回港見家人最後一面。當下完全體會到儘管內心受傷碎裂，作為藝人依然要硬著頭皮完成拍攝，交出最好嘅狀態示人！」他直言收到收到歌詞後心有戚戚然，令他憶起早前拍戲傷頸的意外，並說：「儘管倦了、病了、受傷了，都要衣着亮麗去繼續工作，其實某程度上跟打工仔嘅心態相近，尤其係『人家打賞要好態度，而你全對，而我全錯，不上訴。』呢一句。」

Jeffrey稱今次拍攝MV堪稱挑戰「體能之巔」：「我哋凌晨由檳城拍完《膠戰S4》，返到屋企放低行李就緊接3個拍攝工作，夜晚隨即轉場拍MV，足咗接近20個鐘，第二朝再開劇，屈指一算唔止『On Call 36 小時』，不過，看到出來嘅成品咁有Feel，再辛苦都係值得，而且當晚見到一個又圓又大嘅月亮，我相信是係離開嘅家人為我默默送上嘅祝福！」

為了呈現歌曲的沉重與壓抑，是次MV首次嘗試暗黑風格，並加入大量CG與VFX打造具漫畫風格的畫面，故事講述Jeffrey飾演的探長，極力隱藏著吸血鬼的身份，偏偏在查案的過程中經常接觸到血淋淋畫面，勾起他對血的無止盡渴求與欲望，只好每天抑制自己的暗黑一面，藉此來表達藝人在台上風光亮麗，在台下或許是遍體鱗傷，生活中的拉扯與掙扎！其中Jeffrey的西部牛仔Look及高冷吸血鬼Look更是令粉絲，驚呼連連，紛紛留言指很想被Jeffrey吸血，Jeffrey笑這：「吸血呢啲高難度動作，小弟暫時未能夠應付，可能要練習一千幾百年，至於西部牛仔Look我都好喜歡，頂帽係我喺檳城拍《膠戰S4》時買，一戴上去就好有Feel，幫我一秒入戲！」

Jeffrey又預告將於6月28至30日落區宣傳新歌，他說：「有Fans提議我以白色卡通兔造型落區宣傳，大家唔好以為我唔夠膽，目前積極考慮中，哈哈！」他承諾若MV登上熱門#1，便一定會找數，以大家指定的白色踢死兔兼真空上陣，揚言：「Show肌宣傳Why Not？」在成為「找數真漢子」之前，Jeffrey經理人率先公開在MV拍攝花絮，半裸上身大騷完美Body，大派福利並說：「師兄操咗一日就收返埋先。」

另外，近日有網民在深水埗偶遇Jeffrey拍戲，Jeffrey身穿灰色背心配黑長褲，推着車仔，見到有人拍照時還不忘對鏡頭微笑，勁親民，難怪網民大讚：「啱啱經過見到，喺度拍戲，好有禮貌好nice」，Jeffrey亦有留意回覆對方：「謝謝你」。

東網網站 : https://on.cc/東網Facebook專頁 : https://www.facebook.com/onccnews/