王子晒證件相成長史　網友神級「還原」變性過程

台灣藝人王子（邱勝翊）17歲由台灣綜藝《模范棒棒堂》出道，一直都係以男神形象示人，人如其名似足王子一樣，依家已經34歲嘅佢直頭同學生哥時期冇變過，最強童顏確係呃到人。日前佢於社交網晒出8張證件相成長史，仲叫大家「自由發揮」歡迎P圖。

有網友出手幫王子P成戴眼鏡、假髮、留鬍等造型，並寫道：「來，每張都弄過了，顏值巔峰王子 邱勝翊，會被粉絲打嗎！」更有人將證件相P成女仔，「換咗性別」嘅王子即被大讚係頂級索女，亦有人將佢d相P成龍珠look、光頭、古裝等扮相，不過點整佢都被大讚仲係咁有型，凍齡靚仔樣依舊。而網友亦忽然發現原來王子係集多位明星型男嘅特質於一身，包括似邱澤、張藝興、王浩信、汪東城、陳偉霆等，真係夠晒「星光熠熠」。

東網網站 : https://on.cc/東網Facebook專頁 : https://www.facebook.com/onccnews/