大S逝世1年　朱孝天重溫《流星花園》：終生回憶

今日（2日）係台灣女星大S（徐熙媛）逝世一周年日子，去年今日佢於日本因為感染流感併發肺炎病逝，享年48歲，消息震撼華人娛樂圈。於無數粉絲懷念大S嘅呢個忌日，昔日男團F4成員朱孝天一早就分享粉絲團製作、悼念大S影片，過去大S於《流星花園》飾演「杉菜」，與F4嘅言承旭、周渝民、朱孝天及吳建豪一同走紅全亞洲，成為肩並肩隊友，惜如今大S先行離開，朱孝天亦「被消失」於F4之中。

朱孝天悼念大S所分享嘅影片中，重現過去大S喺《流星花園》中與F4共舞畫面，令網友睇到鼻酸酸，大S嘅美好永存粉絲心中。之前F4於訪問中曾講過，F4都愛大S，大家用自己方式想念佢，去年F4兩度於五月天演唱會上合體時，朱孝天曾爆料挑選歌曲時有人提出唱《情非得已》（《流星花園》主題曲），但周渝民冒出一句「這首歌再也不快樂……因為熙媛走了！」充滿傷感。

東網網站 : https://on.cc/東網Facebook專頁 : https://www.facebook.com/onccnews/