中年4︱羅陽被批着錯衫　張偉晉舞蹈「匪夷所思」

無綫歌唱比賽真人騷《中年好聲音4》明晚（18日）播出一集中有3位超吸睛參賽者！先有現年43歲的可愛音樂製作人羅陽，羅陽演唱《頭髮亂了》大晒假音及驚人節拍感，跳舞時又大送心心，氣氛一流，期間有女導師撳燈「現身」後，羅陽竟因而被嚇到甩Beat兼發呆，場面爆笑。由於羅陽自我介紹是男團製作人，但對女生卻如此怕醜，即被笑問：「你未見過靚女咩？做吓女團習慣吓見靚女啦。」周國豐則直指羅陽揀錯歌：「佢明明有質素，點解要揀《頭髮亂了》，完全唔係你嘅擅長，你要唱《頭髮亂了》就唔好着到咁樣吖大佬，點解會着到咁樣㗎。」

另一吸睛位是38歲的張偉晉，他一邊跳Krump 一邊演唱《黑夜不再來》非常「創新」，周國豐指相關舞蹈「匪夷所思」，與歌曲完全唔夾。原來張偉晉本身是排舞師兼舞蹈員，比賽經驗豐富，曾贏得《亞洲星光大道5 跳舞吧！》第四名，及《康王舞動中國》全國總冠軍，之後亦先後做過主持、拍過電影及發布過個人單曲，並曾與關嘉敏Carman及何汐宸Karson合唱《Chocolate Liquor》。

第三大吸睛位來自最大年紀女參賽者—60歲的詹越，她唱歌時不但中氣十足、跳舞有氣有力，身形更是弗到漏油，58歲才正式學唱歌的她，演唱歌曲為《愛情陷阱》，獲張佳添大讚是「sixties係new forties」的最佳示範：「你嘅活力、你嘅身材，甚至你嘅聲線都係年輕嘅，真係要向你學習。」

東網網站 : https://on.cc/東網Facebook專頁 : https://www.facebook.com/onccnews/