周柏豪闊別香港舞台7年　啓德體藝館搞音樂見面會

歌手周柏豪闊別香港舞台7年，正式宣布將於3月14日白色情人節香港啟德體藝館全新個人音樂見面會《周柏豪 THE BLOOMING CHAPTER》，他直言：「真係有啲耐，屋企人呀朋友咁都問，你幾時巡番香港呀，終於定到啦，終於可以好開心同大家講，今次由香港出發！第一站就係香港！」

見面會的海報，除了帥之外，非常有春天氣息，他說：「對男人嚟來講，到咗40歲呢個年紀，我估應該展現到唔同嘅一面畀大家，一個新嘅綻放，所以我哋海報都係用綻放為題。」以香港為第一站的原因，他就話：「當然係會有好多新構思，巡迴見面會已經做近兩年，之前都巡咗好唔同城市，26年新一次嘅巡迴，喺自己屋企做第一站，個騷內容同製作，真係愈搞愈大，因為喺香港做騷限制同外面唔同，好多嘢可以玩，所以我可以同歌迷講定，今次係同上年個巡迴好唔同，規模與內容不斷豐富升級，完全唔會比正規演唱會‘少嘢睇、少歌聽，甚至喺心思、時間和力氣嘅投入上，我覺得仲比以前演唱會多。」

這次新一輪巡演，他自言注入1000分的力，全情投入跟導演研究，精心設計了很多新環節。問到可有新玩意，如有咩新刺激係香港玩，脫衣、插水或吊威吔？柏豪笑道： 「係喎，我都見到上次Tyson玩插水，如果我跳落台，大家係肯定接得住我，我唔怕跳㗎…哈哈。吊威吔我都想呀，成日都好想試吓台前揈去觀眾席嗰個感覺㗎！」

他又表示，選址於啟德體藝館也是與團隊齊挑選，因為體藝館給他的感覺是非常有活力及繽紛，其前身為啟德機場的歷史背景，亦令他覺得有分外有趣：「我未喺啟德搭過飛機。」香港站之後，柏豪將繼續世界各地新一輪巡演，大叫期待的他，將會到訪新城市，演出之餘又可以體驗不同文化旅程，讀萬卷書不如行萬里路嘛。」

東網網站 : https://on.cc/東網Facebook專頁 : https://www.facebook.com/onccnews/