尖沙咀K11 運動+電競主題館 10款遊戲！騎馬/滑雪/智能戰繩機
電競及運動迷有福啦！全港首個融合「運動」同 「電競」主題嘅AME 運動電競館登陸尖沙咀 K11 Art Mall喇！AME運動電競館佔地4000呎，，提供5個唔同類型嘅自家研發運動電競遊戲，畀大家可以一嘗運動員嘅滋味，挑戰各類運動，自問運動天分好高嘅你哋一定要試下，快啲入內文睇下有咩玩啦！
圖片來源：官方圖片｜撰文：Sharon
電競館內有10款大運動電競遊戲，原本嘅5款運動電競遊戲中，包括在沙田馬場多個實景賽道中奔馳嘅國際認可策騎體驗裝置「E- Racing 2.0」、能自選道具，置身紅磡海底隧道實景賽道嘅「E-Cycling 2.0」、美國國家滑雪隊嘅同款訓練設備「E-Skiing」、採用全新開發內藏過千枚感應器智能沙袋嘅拳擊運動「E-Boxing」同全港首部智能戰繩機「E-Battle Rope」！
另外，今次仲有5大全新運動電競項目，包括喺旺角街頭實景化身跑酷達人嘅「E- Running」、全港首部獨木舟遊戲「E-Kayak」、運用投影技術配合現實嘅智能攀石牆「E-Climbing」、270 度三面環繞的 LED 反應墻嘅電競足球遊戲「E-Football」，仲有採用由美國引入嘅專業籃球員發球機，配合自家研發的系統打造而成嘅多功能電競籃球遊戲「E-Basketball」添~
以上嘅運動仲會幫玩家監測心率、評估表現，並追蹤所有玩家嘅運動動作，以提供動作建議及更深入的運動科學數據，一邊玩之餘仲可以了解埋個人身體嘅狀況。
AME運動電競館更特設兩大挑戰活動，玩家可以挑戰AME每日任務嘅運動電競項目目標，成功挑戰就可以換取現金券、獎品禮券等！AME Challenge分為男女子兩組，所有會員指定日子內消耗嘅卡路里會轉化成GG Coin，每週各組別總成績排行第一者可進行AME Season Champion Challenge，嬴取豐富獎金及獎品！
放假想做運動，又想試齊唔同類型嘅運動項目，不妨考慮下約埋朋友去AME運動電競館啦！
【INFO】
亞洲體育電競《AME 運動電競館》
地點：香港九龍尖沙咀河內道 18 號 K11 購物藝術館 2 樓 223 號鋪
開放時間：星期一至五(11:30am – 11:00pm)；星期六、日及公眾假期(10:30am – 11:00pm)
查詢電話：6824 5526