林日曦舞台劇跨年終極加場 梁祖堯預告拎魚網收利市

林日曦與梁祖堯首度合作舞台劇《大反枱日》明年1月在香港演藝學院公演，今早公開售票，21場門票在短短半小時內售罄，一票難求。林日曦即晚宣布加場，將橫跨農曆新年終極加開最後15場，合共36演出。加場門票將於下周一（29日）早上9時起於 Cityline 公開發售。

對於公開發售半小時內極速爆滿，林日曦感到鬆一口氣：「次次都預會滯銷，次次最後都爆，都要感激啲觀眾繼續相信、繼續入場。」梁祖堯（阿祖）則笑指自己以往從未成功搶到林日曦的門票，總要托朋友費盡心機才買到。阿祖說：「希望觀眾朋友今次都可以祈禱，打動林日曦再加場！」不過，林日曦強調是次加場已屬終極一次，不會再加，他稱加到36場是再三跟場地爭取的結果，萬一最後都買唔到飛的觀眾，唔好太失望。

是次加場將會橫跨農曆新年，並於年初三演至年初六。對於新年流流反枱，阿祖幽默地指年初三是赤口，最適合「反枱」：「因為我哋係反枱嗰個，所以為求利利市市，觀眾要派利市畀我哋啊！希望我哋可以打破舞台劇嘅傳統，好似大家睇老牌歌手演唱會咁，等我哋拎個魚網出嚟同大家握手攞利市！」林日曦則貫徹暗黑作風，直言不會派利市：「我拒絕接收任何人嘅利市，已經係最大嘅溫柔⋯⋯」

（即時娛樂）