呂爵安淡定玩刺激遊戲︰公司訓練到我唔嗌

ViuTV遊戲節目《膠戰S4》今晚（24日）播出新一集，6膠成員呂爵安（Edan）、魏浚笙（Jeffrey）、黃正宜（阿正）、岑珈其、劉沛蘅（Hillary）及徐浩昌（肥腸）來到檳城逃生冒險樂園，他們要挑戰膽量，玩盡園內最刺激的遊戲才有機會逃過終極大懲罰！而其中一個６膠挑戰的機動遊戲「大橡筋」，會將一位膠人綁在繃緊的橡筋上，再拋到半空中，十分刺激。

肥腸率先試玩遊戲，只見他全程表情從容，還在空中翻騰一周，直言輕鬆無難度。輪到Jeffrey挑戰，阿正問他可否在被彈上空中時一直保持帥氣表情，Jeffrey即以招牌單眼回應，顯得非常淡定。不過，遊戲一開始，Jeffrey已表情管理失敗，更連番尖叫，其餘5膠見狀亦瘋狂取笑他。

Edan一度猶豫應否挑戰，但珈其鼓勵：「你得㗎！其實你已經克服咗好多嘢，你依家唔驚㗎喇！」Edan於是頂硬上，更沒有絲毫退縮。他說：「嚟啦，試吓啦！」之後Edan全程都閉着眼，沒發出任何聲音，只是最後忍不住爆出「黐線」、「救命呀」。對於Edan能夠忍得住尖叫聲，5膠紛紛表示驚訝，Edan就笑言：「我已經畀ViuTV訓練到我可以唔嗌。」

最後到阿正挑戰，當職員幫她扣上安全繩時，阿正求職員手下留情，示意把她拋得「Very low, very low」就可以。她更說：「I am really scared, but I have to win. Please help me！」雖然阿正被拋上空中之後，與Jeffrey一樣失禁式尖叫，但卻不忘顧及形象向鏡頭大叫：「等陣先，唔好畀大頭我呀，好醜呀！」

（即時娛樂）