譚輝智轉曲風為都市人減壓　嘆成名不易有苦自己知

歌手譚輝智人到中年開始挑戰新曲風，以輕快的新歌為香港人減壓。他回顧成名路時，自爆曾面臨生活各方壓力，疲累到不堪重負，但依然咬牙堅持，又期待可跟不同唱片公司的歌手合作，揚言有自知之明，堅拒靠「鐵粉」謝霆鋒之母狄波拉走捷徑。

無綫《中年好聲音2》亞軍譚輝智，最近推出個人單曲《熱身要在冧低前》，轉玩輕快曲風，結果深受歌迷喜愛，MV上架約一個月便突破130萬觀看次數。輝智日前接受本報訪問，談到新歌成績理想，更被譽為「減壓歌」時，他說：「係好啱都市人聽，因為社會上除咗BB外，每個人都有壓力。雖然登台時，我多數唱慘情歌，但本身係鍾意輕快啲嘅歌。」

身為美容院老闆的輝智出戰無綫歌唱比賽，未走到決賽已經一夜成名，加上有漂亮老婆及可愛仔女，可謂是人生勝利組。但40歲的他卻直言有苦自己知，自爆曾飽受事業、家庭及經濟壓力，攰到「冧低」：「大家覺得我好似好開心，人生條路好順利咁，其實我冇講出嚟啫，生小朋友時，事業有阻滯，仔女出咗世，經濟壓力就愈嚟愈大，有好多擔憂。」

拒走捷徑𢱑合作

談及「中3生」張與辰同期推出新歌《深海》，MV收看次數超過110萬，氣勢逼人，輝智卻無懼後輩搶飯碗，他謂：「一定有少少影響，但唔算太大，我又唔係好驚喎，增強自己最緊要。」輝智和狄波拉（拉姑）出名關係要好，他坦言期待跟其他歌手合作，不過就不會碌人情卡，要求和拉姑之子謝霆鋒合作：「我未夠資歷，正如人人都想同張學友、陳奕迅、容祖兒合作，但諗吓就得，唔好勉強人哋啦。」

東網網站 : https://on.cc/東網Facebook專頁 : https://www.facebook.com/onccnews/