forte「牛魔王盛宴晚市套餐」任食五款牛扒、三款薯條

相信大家最近都少咗出街食飯，難得出街食一次，當然要食好啲啦！forte 推出「牛魔王盛宴晚市套餐」，每位港幣$358即可無限量享用各款優質牛排同特色口味薯條。套餐每位賓客更可享用一份前菜、刺身合盛、熱湯、甜品拼盤同飲料添！

「牛魔王盛宴」共有5款牛扒選擇，每份重量由150克至350克不等，份量十足！其中包括來澳洲穀飼牛，大理石狀脂肪紋理均勻分佈，肉香而多汁，口感僅次於和牛；除咗肉眼扒和西冷扒，仲有珍貴嘅T骨扒，同時包含咗西冷及牛柳兩個部位，可以一次享受兩塊肉嘅不同口感！仲有純凈牧場紐西蘭牛，純凈牧場完全禁止使用瘦肉精等相關藥物，用心孕育出健康美味嘅超頂級牛肉，肉質非常軟嫩，可以食到最美妙的牛肉原味。而美國牛仔骨油花分布細緻均勻且豐富，牛味香濃，肉質厚實。

三款無限量供應的薯條則有黃金薯條、日式茶漬薯條及黑白松露薯條，可以盡情享用！