想要美美的頭髮 就要學識正確洗頭

你知道嗎？原來洗頭也有很大的學問，想要擁有完美嘅秀髮，洗頭同埋吹頭絕對唔可以馬虎。今天就讓小編教大家來正確的洗頭方法吧！

首先要因應自己嘅髮質去挑選適合自己嘅洗頭水。最簡單可以分為乾性、油性同埋頭皮問題，大家要記住唔係沉矽靈嘅洗頭水就唔好，所以係唔需要刻意去揀不含矽靈嘅洗頭水㗎！

洗頭嘅時候，第一步就係要打濕頭髮，水溫係非常重要嘅。唔好用過熱嘅水，尤其是係油性頭皮，好容易會刺激到頭皮出油架！然後就可以第一次洗頭，選用適合頭皮嘅洗頭水，使用指腹，從邊沿開始輕輕按摩頭皮，二交叉手勢按摩兩圈就可以。咁可以帶走頭皮上多餘嘅油份，記住唔好用手指甲，會整傷頭皮㗎！

第一次沖洗之後，可以使用同一支或者更滋潤頭髮嘅洗頭水去洗髮絲，如果你係長頭髮，係呢個時候可以有多啲洗頭水，輕輕搓揉至起泡，就可以沖水啦。

吹頭之前一定要用毛巾印乾頭髮，之後用風筒首先將頭皮吹乾。要吹乾頭皮，風筒一定唔可以嚟頭皮太近，係要撥動頭髮令到頭皮可以均勻受風，大約吹到七成乾就夠啦。之後就可以開始吹頭髮，如果你唔需要再上頭髮產品嘅話，咁只需要吹至八成乾就可以，之後就可以上發尾油，需要有少少水份先可以令發尾油發揮最大功用。

其實洗頭唔需要花太多時間，時間太長反而對頭皮、頭髮都唔好，大家學識未啊？