遭林盛斌一句突破盲點 李芷晴爆喊 嘆愛情很難

無綫昨晚（28日）播出《女神配對計劃 金牌媒人的最後晚餐》，由金牌媒人林盛斌阿Bob諗盡計仔、探究5位女神葉蒨文（Sophie）、梁敏巧（Maggie）、關嘉敏（Carman）、羅毓儀（Yuki）及李芷晴（Stephanie）內心對愛情及配對真實想法，5位女神亦貫徹本色極盡坦白，令最後晚餐淚點處處。

Bob在節目中除探討配對成功的3位女神：Sophie、Maggie及Yuki的內心世界外，還嘗試找出Step和Carman拒愛的原因。談到與Jacob配對失敗，Step主要覺得對方很「慢熱」，並對Jacob是否真的喜歡自己沒有信心：「佢會Text吓你，但唔係好深入到傾偈，佢比較靜，我就更加覺得我需要主動啲嘅人。」

Bob聞言說：「我想問你之前啲男朋友，主動定唔主動？」Step說：「全部好主動。」Bob再說：「全部散晒啦，係嘛？」Step掩面失笑：「係呀。」Bob說：「你諗吓先，我唔係話你，以前有以前嘅感受、經驗，冇得比較。如果以前嗰啲真係好啱、好好，可能去到𠵱家都仲一齊緊。」

面對阿Bob及Maggie的安撫，Step揭出內心最真實想法，並哭成淚人：「我覺得自己有少少驚咗拍拖，真係會諗到底我問題出咗喺邊呢？點解每一次拍拖最後都會失敗㗎？可能我曾經都會有遇過『係呢個人！』，甚至希望去到談婚論嫁階段，但係最後都係唔Work」、「我覺得所有男仔、啱啱認識你、追求你時，一定會對你好好、會盡佢所能去討好你。」

說到此處，Step已激動至無法說下去。Sophie見狀加以鼓勵：「可以戀愛腦，但唔可以冇咗自己。」阿Bob苦口婆心著大家要長大，並總結談戀愛有時候是賭一舖：「喺我角度，每一次拍拖、戀愛、甚至去到結婚，大家都係賭一舖，邊個話到畀你知依家呢個人一定係Mr.Right？」Step不諱言經歷了《女神》拍攝過程後，確實成長不少、也為此感恩。

Bob又提及Maggie是5位女神之中最特別，皆因她很多時候都維持住只有一個選擇（指律師Matt）的狀態，阿Bob單刀直入：「有冇覺得點解人哋有3、4個，我永遠得1、2個？」Maggie說：「我又從來都冇諗過喎，我覺得呢啲嘢係整定，就算有10個畀我揀，可能都唔啱，但得番一個啱就係啱咯。」

（即時娛樂）