Ian 陳卓賢《給千億顆星選中的二人》　久違嘅溫柔甜蜜作

嚟到2025年第四首派台歌，Ian今次放低悲情，為樂迷帶嚟久違嘅溫柔甜蜜作《給千億顆星選中的二人》。

「曾懷疑人生的我遇著你才完全覺醒想起所有事我到這個世界是有其用意」

遇見你以前，每當我遙望星空，總會覺得無人會明白自己，無人會接受自己嘅所有。然而，遇上你以後，一切頓時變得不一樣，原來一直嘅等待與孤單，就係為咗你出現，將我從迷失浪蕩中拯救。

「不想你一個人才決定出生讓你別一個人和人類對陣」

一生中過客如此多，兩個人能相遇相愛，係非常難能可貴。既然我地係命中注定被選中嘅一對，我就要好好陪伴你，為你遮風擋雨，一同面對世界所有挑戰，分享喜與悲，你就係我生活最大嘅動力。

「本在宇宙散步卻被你吸引黑夜裏如靈魂該一起有暗號帶引」

曾經以為幸福遙不可及，但當你在身旁時，先發現原來幸福可以如此簡單。每當我感到迷失難受，你總能帶嚟一點安慰與快樂，引領我走向光明。

因為你，我變得完整；因為你，我嘅生命變得更有意義；因為你，我每日都被愛包圍。能夠遇見你係我人生最幸運嘅事，就讓依段緣份攜手走到白頭。

「今天找不著的你未來等徬徨時辰請相信星終會給你引路的燈」

陳卓賢同樂迷嘅關係亦一樣，彼此選中了大家。Ian以歌聲為hellosss紓憂解困，而樂迷就不離不棄地支持偶像，其實都係一種浪漫。

「好像兩段旅行有伏綫牽引總站到偶遇在這小鎭」

《給千億顆星選中的二人》歌詞簡單直接，旋律入腦，聽一次已經哼到出嚟。同以往嘅甜蜜作品一樣，Ian嘅演繹屢屢能唱出一份由心而發嘅溫暖，真摯動人。

轉眼已經差唔多年尾，陳卓賢今年依然保持近幾年嘅強勢，唔同類型嘅作品同樣高質素，亦帶到驚喜比樂迷。如果今年再出多首歌就完美了！

「苦追某種永恆和某份安穩直到遇到你時最遠的在最近」

最後，希望大家會珍惜身邊與你同甘共苦嘅另一半💕

《給千億顆星選中的二人》Ian 陳卓賢
曲：Ian 陳卓賢
詞：黃偉文
編：黃兆銘
監：陳考威

「不想你一個人才決定出生
讓你別一個人和人類對陣
本在宇宙散步卻被你吸引
坦白說我是為你出生～
苦追某種永恆無降落的燈
為你做一世人才能沒抱憾
跨越鏡像宇宙去覓你的吻
星象說共你要攜手等雪染白髮鬢」

娛樂