消息指，哥斯、蘇利、奧斯簡與多蒙特合約去到2026年夏天到期

🚨根據德國天空體育消息，多蒙特出年夏天至少送走三位球員，🇩🇪中場哥斯、🇩🇪中堅蘇利同埋🇹🇷中場奧斯簡呢三位球員都同多蒙特合約去到2026年夏天到期，而球隊都選擇唔同佢哋續約😉

💥消息指多蒙特希望同🇩🇪中場布蘭特繼續合作，球隊將會係出年一月同布蘭特展開續約談判，雙方都計劃續約兩年，而布蘭特800萬歐羅年薪唔會有太大轉變。至於艾迪耶美同舒洛達碧克續約續約談判無咩新發展，多蒙特想同佢哋續約，但談判陷入停滯狀況😶

🎯根據圖片報消息，多蒙特開始去搵蘇利接班人，佢哋對於皇馬年輕後衛華迪賓拿斯幾有興趣。賓拿斯除咗可以踢左閘，仲可以踢埋中堅，而係最近一個星期為皇馬第一次係西甲上陣。雖然賓拿斯同皇馬合約去到2029年夏天，但係佢主要為皇馬二隊上陣。不過，利華古遜同阿仙奴都積極爭取簽入賓拿斯🙃