姜濤墮海即出院出席活動　現場取消與Fans玩遊戲環節

更新於 06月25日11:55 • 發布於 06月25日07:41 • on.cc 東網

姜糖早已到場等偶像。

疑似姜濤座駕。

力撐姜濤。

姜糖坦言擔心姜濤。

逾兩百姜糖聚集。

大嗌「姜濤加油」。

「神徒」一片粉紅海為Anson Lo應援。

MIRROR人氣王姜濤昨日（24日）墮海而引起全城關注，昨晚被送入瑪麗醫院之後送到私家醫院留醫的他，今日即出院出席旺角麥花臣粉絲見面會活動。下午3時許，一輛圍着黑布、疑似載着姜濤的7人車到達，即引起傳媒注視。現場有約20多個執法人員現身，亦有近20位姜糖(姜濤粉絲）拿着姜字牌支持偶像。

姜濤墮海令一眾「姜糖」相當擔心，不少姜糖下午已到麥花臣外守候，有姜糖接受傳媒訪問指得悉事件感到很突然，令她們很擔心。問到可擔心偶像情緒出現問題﹖姜糖說：「睇報道話係食咗藥，意外跌落海。（姜濤被hater攻擊戥佢唔開心？）就算唔鍾意一個人，都唔應該攻擊佢，始終都係一個生命。（希望姜濤放假休息？）睇姜濤意願，但休息吓都係好。睇到佢報平安都好啲，當初見到消息真係好震驚、好擔心，靜待下一步消息。」同時，有逾兩百姜糖於鄰近的球場聚集拍攝大合照，並大嗌「姜濤加油，我哋支持你」，為姜濤打氣。而逾200「神徒」在球場看台拍大合照，大嗌：「教主生日快樂！」預祝Anson Lo7月7日生日快樂。

晚上6時許，ViuTV公關向現場傳媒指活動有所變動，取消互動玩遊戲環節，今日只會跟Fans合照及傾偈，下月29日會在同一地點搞多一次活動，問到是否因姜濤不適而有此安排？對方否認，並謂：「只係大家想以最佳狀態示人。只係4位偶像想見吓Fans，所以都照出來。」至於這是藝人定公司的決定？公關則沒有回應。

Anson Lo的粉絲「神徒」受訪，指不介意活動有所變動，揚言Anson Lo健康第一，甚至都希望姜濤以及MIRROR其他成員都健康，可以下次再見。

東網網站 : https://on.cc/東網Facebook專頁 : https://www.facebook.com/onccnews/

查看原始文章