Ivy So短裙黑絲晒美腿　自爆曾一日食4個月餅

女團COLLAR成員蘇雅琳（Ivy So）到銅鑼灣出席月餅活動，Ivy直言相當喜歡吃月餅，讀書時期試過一日吃了一盒4個的月餅，自嘲當時體重高達56.7kg，現時要Keep Fit，每日只可吃一個迷你月餅。講到後來減肥是否為了認識男仔？她說：「又冇咁諗，嗰陣開始學化妝，又好得閒，對住塊鏡覺得自己有啲肥、有啲肚腩仔喎，咁就試下減肥到依家喇。」

COLLAR最近正為將舉行的演唱進行地獄式排舞，朝10晚11準備，相當勤力，問到是否要節食減肥？她說：「咁又唔使，都係健康均衡飲食，我哋呢排最鍾意食烚蛋，日日午餐都係食烚蛋，變咗烚蛋女團，食咗成個月烚蛋，食到有啲驚。」問到是否瘦了很多？她說：「瘦咗好反而係之前同朋友去印尼旅行，行咗3座火山，每日凌晨兩點行到朝早九點，瘦咗1.5kg。」

講到早前生日她指在排舞中度過，期間返公司開會正是前高層魯庭暉向她們宣布離職當天，更有老闆請吃生日蛋糕和送上生日歌，但感到相當尷尬。講到魯庭暉離職對COLLAR可有影響？她認為公司己經很成熟，接任的金廣誠也有講解她們的未來發展，好似各人會有solo演出，但她則指暫時未有個人演出的安排。問到之後會否和魯庭暉Farewell，她說：「應該唔會，佢話可以隨時約佢食飯，叫我哋問吓佢啲股票嘢，佢話投資好勁，但係佢畀我哋嗰隻股票，一睇好似都跌咗緊喎，唔知買唔買好，得閒再約佢食飯。」

另外，Ivy So最近在社交網爆許軼（Day）有個不能出街的花名，叫許＿。」阿Gao也加入留言：「123456_」令花名呼之欲出，問到為甚麼和Day改花名，她笑說：「好冤枉呀，佢個花名唔係我改㗎，係阿Gao改㗎，我係叫佢「Day B 仔」，佢最多花名，叫佢咩花名都會應，但係佢有時呆呆吔，叫真名反而唔應，叫花名應嘅機率高啲，哈哈。」

東網網站 : https://on.cc/東網Facebook專頁 : https://www.facebook.com/onccnews/