陳蕾療癒之作　演繹溫柔卻充滿力量

陳蕾再次創作出一首療癒之作《空無之地》，演繹溫柔卻充滿力量。

「原地轉找不到方向感在丢失的途中搜尋戳破孤寂的針」

人生係一條不斷面對十字路口嘅旅程，前行或後退都有各種顧慮，太多無法控制嘅事令人氣餒無力，包袱亦隨年月變得沉重。每日營營役役，仍然要面對茫茫前路，被塵世嘅束縛弄得遍體鱗傷，睇唔到希望。

然而，當我地迫於無奈要放下一切時，又會覺得毫無掌控感，對未知嘅未來感到無比恐懼。

「舒適的那大門已合上不可再回頭看只可以直上」

其實置身空無之地，又代唔代表一無所有？可能只係你未發現自己擁有嘅一切。能夠自由自在，腳踏實地，仰望一望無際嘅天空，更無顧慮地作出任何決定，何嘗唔係一種幸福。只要換個觀點與角度，一切就會變得不一樣。

「這境界越空無越擁有天早已預告」

面對同一件事，每個人嘅感受往往截然不同，比起事件本質，其實更在於你選擇如何看待。是喜是悲日子依然要過，人每日都係向死而生，到你離開一刻，係無法帶走任何一點。天無絕人之路，嘗試珍惜快樂嘅時刻，將傷心稍為放開一點，終有一日定能拋低重擔，昂首向前。

「感官一再放慢閉著眼身體一切如空不需再負重雙手空空再沒有任何顧慮」

蕾子今次收起爆發力，但演繹依然動人，以歌聲給予大家一個溫暖嘅擁抱。當你感到孤獨迷失時，陳蕾嘅作品總會帶到一點啟發與安慰，陪伴你走過大小難關。

「人生裡快樂悲傷通通最後都沒法帶得走愛恨盡情去感受能夠放下便徒手接萬有」

如果你依刻被生活壓得喘不過氣，記住你只係差一份放開嘅勇氣🫂

《空無之地》陳蕾
曲：陳蕾
詞：陳蕾
編：Bert , To Lee , Eric Chan , Danny Yau
監：Bert

「前或退光陰不可再返
掉不低擁過的光環也到不了高山
來又往到最後仍撲空
越上心發現始終不甘心一再想觸碰

上帝卻知道開天世界亦是無才創造了大道
這境界越空無越擁有天早已預告」

娛樂