<新派甜品小食店>
去到旺角選擇都多！
下午茶想揾個地方坐下想食小食甜品多
餐廳位於白布街 門面有啲似cafe 🥳
以黃色為主調感覺幾有活力☀️
店舖有兩層高 主打新派甜品 🍮
當然都有其他懷舊小食/ 主食/飲品
有晒我平時鍾意嘅野🥳
價錢都唔太貴 味道ok 喎
樓上中間張枱有啲似細個
係遊樂場玩嘅氹氹轉😂
1️⃣ 雞蛋仔101畫室 $88 (2pax)
好似一件藝術品放左係畫盆上面～
見話係三重芝士雞蛋仔 覺得芝士可以再多啲
另外都配上六款醬汁
分別係麻辣朱古力/ 花生醬/雜莓果醬/檸檬醬/煉奶同海鹽焦糖😆
另外會配上生果
幾鍾意嗰張同埋檸檬醬因為酸酸地
另外朱古力醬嘅味道都幾濃～
不過就唔係好覺得辣
煉奶同焦糖海鹽係再分開俾我地唧🥳自己DIY !
2️⃣ 麥皮蝦芒果沙律脆筒 $78/2pcs
想食鹹點 都有幾多特色小食😆
麥皮蝦口感酥脆香口 炸粉唔算太厚
底部會有芒果沙律 都幾多果肉
不過因為芒果較濕 嗰部分脆筒會腍左
3️⃣ 鐵板蝦頭油菜脯燒賣 $58 🌟
想食嘅魚蛋無左🤣揀左燒賣！
平時都鍾意食🫶🏻🫶🏻
用鐵板上keep 到温度💫
燒賣夠有彈性 索滿晒蝦頭油 略嫌有少少油
不過微辣 的確幾惹味✨連菜脯、青椒都好食
4️⃣ 楊枝甘露果凍碗 $62
有芒果肉、金柚、椰青果凍、手工小圓子、水晶珠同芒果布丁 係幾足料！
小圓子煙煙韌韌 果凍滑嘟嘟
比較岩夏天食🥳
5️⃣ 零陵香豆布丁蛋糕 $78
布丁平時係我最愛🤣
本身係配荔枝慕絲 當日無晒食材就轉左做忌廉
平時配荔枝嘅話 應該會冇咁Heavy
底部嘅忌廉，加埋新鮮嘅生果減低左油膩感
布丁質感軟滑 幾有蛋香同焦糖香氣 唔太甜
布丁底部仲有層cheesecake 芝士味香濃
6️⃣菠蘿檸檬草茶 $38
食左咁多甜野想飲熱茶解下膩
Lemongrass 味幾重
朋友就麻麻地🤣
7️⃣西瓜香檸 $48 🌟
加左檸檬梳打、西瓜肉、香水檸檬、龍蘭舌蜜同益生菌奶 飲落唔伏 幾清新✨
主要飲到梳打同西瓜 唔太覺有益生菌奶🤣
📍小點角落 @bitebybite.hk
旺角白布街2-24號藝興大廈地下4號舖
➖➖➖
分數💛(10分為滿分)
食物質素:7.45/10
環境: 7.5/10
服務: 8/10
價錢:7/10
回頭率:65%
▼Follow @sa_foodieadventure
留言 0