【安心戀一文睇清！】車上纏綿16分鐘 許志安開記招交代事件
今日有傳媒爆出30歲藝人黃心穎搭上51歲人夫許志安，期間二人又錫又攬，全程16分鐘！影片公開後，二人一直都冇開腔回應。直到晚上7點，許志安終開記者招待會回應事件。許志安表示，覺得自己好嘔心，好對唔住老婆鄭秀文，佢更表示會暫停所有工作，直到揾返真正嘅自己。
撰文：Kammy｜圖片來源：節目截圖
許志安開記招交代「安心戀」事件
許志安出場時向大家鞠躬道歉，一坐底就即時喊，一度灑淚。許志安表示，「親口同大家講對唔住，為我家人，Sammi家人、同朋友道歉，自己做咗不被原諒嘅事，呢個錯我深深反思，我係醜惡嘅人，今日係承擔責任。我嗰晚飲咗好多酒，但呢個唔係藉口，好難面對接受自己。睇到報道之後，覺得自己好丟臉、好錯、好討厭、好嘔心，好陌生。」
許志安：我會暫停自己工作
佢表示：「我有深刻嘅反思自己點解去犯呢個錯誤，起咗呢個色心。我要兩個部分：第一個部分，我會暫停自己工作，搵番真正嘅自己直至到搵到一個真正的自己，重新去檢視自己；第二係心靈上面，我因為我嘅行為、我嘅錯誤，令我身邊所有愛我嘅人，承受咁樣既壓力同埋痛苦。我希望係嚟緊嘅日子裡，將所有比我整痛整傷嘅人，都可以好好。」
許志安：對唔住Sammi
許志安續指：呢個報道令我反思嘅一點，最錯地方係迷失我自己，最後我再一次同所有愛嘅人講對唔住，對唔住令你哋難堪，我做錯咗 。對唔住Sammi，我唔知以後點走我自己既路，呢一刻係冇咗我靈魂，我係一個壞咗嘅人，期望大家可以比時間我搵返我自己，我同大家講一聲對唔住。」
許志安亦有喺網上發文。
許志安、黃心穎偷食斷正
該段短片長約16分鐘，片段開首見到安仔、心穎和男友人坐在車廂後座，男友人堅持先送心穎返家，戴了黑色口罩的心穎竟爆粗反對：「唔好扮嘢啦！X你！兜X咗我先？」安仔都撐心穎先送男友人返屋企，冧爆的心穎搣了安仔耳朵一下，再向男友人爆粗：「你住邊呀？X你！」安仔即叫司機開車往大坑，心穎跟男友人說：「佢（安仔）送我返去呀。」
心穎主動蹺實安仔左臂整個人挨在他身上撒嬌，兩人更各用手袋遮掩偷玩十指緊扣。約3分鐘後男友人抵家預備落車，安仔話：「而家你走先，跟住我返我屋企，佢（心穎）返佢屋企。」男友人：「你講堅？」安仔：「係，堅。」惟當男友人落車後，安仔和心穎異口同聲跟司機說：「鯉魚門（心穎屋企)！」和安仔獨處時心穎馬上隔住口罩咀了安仔一啖，10秒後索性除口罩埋身攬安仔啜嘴。
咀完後，兩人繼續十指緊扣，之後隱約聽到心穎說：「so sad…我好悶…教徒」跟住拉開安仔隻手不再緊拖，安仔惟有順勢將手貼在心穎大腿上，3秒後忍唔住又撩心穎十指緊扣。由大坑到鯉魚門短短10多分鐘車程，「安心」連環激咀逾20次，全程由心穎採取「主攻」情挑安仔，不停攬他狂打茄輪，其中一次纏綿遊戲錫了近1分鐘，咀到啜啜聲，熱情如火的心穎邊咀邊將手放在安仔腿部附近游走。
當車輛駛入隧道後，心穎再次飛擒大咬狂咀安仔，咀完後忘形到連口罩都戴歪了，其間隱約聽到心穎說：「…返屋企，唔好驚喎！」就算在「休戰」空檔，心穎都「電兔」上身胸壓安仔，捉安仔隻手又捽又玩手指，甚至當安仔是攬枕，將左腳騎在他的身上，啜面錫耳，還用手指幫安仔抹走嘴上的唇膏，風騷入骨。
安仔忘記了自己的人夫身份，雖然9成時間都是心穎「主攻」，但安仔卻表現受落，還主動錫了心穎面珠一啖，更越坐越低，似乎擔心被隔鄰車輛發現，而心穎相當識做，咀完就戴口罩遮樣，又不停幫安仔拉下cap帽遮掩。雖然，當晚心穎表現看似有點醉意，更不時「鬼妹仔」上身大講英文，但差不多抵達目的地時，本來嗲聲嗲氣跟安仔說話的她，竟忽然轉tone跟司機說：「去到燈位轉右，唔該！」。而安仔有點疲態但未覺有醉意。兩人到心穎香閨後齊齊落車，後事如何佢哋最清楚！
「安心偷食」當日 Sammi連發5文：只想永遠地離開
記者翻查黃心穎Instagram，發現「安心偷食」事發當日應是本月3日，而許志安太太鄭秀文（Sammi）則在當天連發5篇貼文，其中更引述歌詞「我曾經毀了我的一切」，莫非與事件有關？
在4月3日當日，黃心穎與許志安出席友人生日聚會，散場後當晚便發生了「安心偷食」事件，翻查Sammi Instagram，發現當天她連發5篇文章，都與演唱會有關，似乎被蒙在鼓裏。
第一篇：
「每一次做紅館的演唱會，其實內心也不淸楚下一次會是什麼時候。所以,每一次都全力以赴. 🔥 🔥 🔥
Are u ready????🥰😄#FOLLOWMi#followmi#渣打信用卡」
第二篇：
「#純粹影海報前谷一谷.😅So….. Are u READY??? 鄭經理通知大家, 明天渣打銀行信用卡用戶正式優先訂票 FOLLOW Mi 演唱會. 這是mi第十個紅館演唱會, 意義非凡, 我也不知道這演唱會之後會什麼時候再舉行演唱會, 兩年?三年?四年?並不知道,所以一如以往,儘全力去做,去慶祝這個人生中的第十次，順便在紅館預祝47歳生日. 😁😄🤪#快d買票啦」
第三篇：
「有時想一想, 回望這麼多年工作歴程真不容易. 高高低低崎嶇挫折常有.從不變是一種對自己無限的自我要求. 一種…自我苛刻。 因為我選擇了或許是最愚笨的一套: 吃苦.也許…..我自知從不生來卓越,沒有擁有不勞而獲的天資, 所以更需要關關努力. 😉#關關難闖關關過#沒有生來天資但我相信將勤補拙#按照自己的心去做就對了😁」
第四篇：
「沅沅send我的.我的青春小鳥小🦜一去不回來….. 🤣別滴哪哎喲! 別滴哪哎喲!我的青春小鳥🦜一去不回來 ……#成長#少女變人妻#不求青春不老但求活得有腦#金毛強年代的mi🤣#嫩口mi#我的少女時代#青春真可愛靑春#叫聲靚女mi」
第五篇：
在 Instagram 查看這則貼文
Sammi Cheng Sau Man（@sammi_chengsauman）分享的貼文 於PDT 2019 年 4月 月 3 日 上午 8:45張貼
Sammi在第五篇貼文中唱出《平凡的路》，並貼出了一段歌詞：「我曾經跨過山和大海，也穿過人山人海，我曾經擁有這一切，轉眼都飄散如煙。我曾經失落失望，失去所有方向，直到看見平凡，才是唯一的答案。我曾經毀了我的一切，只想永遠地離開。我曾經墮入無邊黑暗，想掙扎無法自拔；我曾經像你像他，像那野草野花，絕望着、渴望着，亦哭亦笑平凡着。我曾經跨過山和大海，也穿過人山人海；我曾經問遍整個世界，從來沒得到答案。」未知是否憑歌寄意，只想與許志安走平凡的路？
早有預謀？黃心穎黐Sammi做Gym 成功取得信任
網民翻看黃心穎和Sammi的Instagram，發現原來早在上年11月，Sammi在Ig上載與黃心穎一齊做Gym的影片，還大讚她動作做得標準，好明顯對黃心穎並無戒心。
「安心」因健身結緣
到今年1月，黃心憤就分享與健身朋友的合照，包括自己與許志安慶祝自己30歲生日時的大合照，當時黃心穎與許志安企位非常接近，有網民就懷疑二人當時已經「撻著」。見老公出現在黃心穎的Ig上，Sammi亦非常大方為相片點讚，更留言指黃心穎看起來只有20多歲。
偷食後仲有互動
「安心偷食」事件應在4月3日發生，可是記者翻查Sammi的Ig時，發現在7日前（即4月9日），黃心穎仍然有在Sammi的Ig留言，大讚她著皮褸的造型非常有型，完全扮作若無其事，繼續扮Friend。
曾強調不會喜歡人夫
現年30歲的黃心穎入行以來緋聞不斷，其中不乏人夫，包括黃浩信、吳啟華，黃心穎更被傳指牽涉吳啟華離婚一事，不過當時黃心穎否認緋聞及傳言，更多次強調自己不會愛上人夫，可惜今次「安心偷食」，男主角許志安正正就是人夫，自打嘴巴。
鄭秀文與許志安 離合20載
現年46歲嘅Sammi同許志安喺1991年開始拍拖，二十年來多次離合，但最終都喺2013年結為夫婦，佢哋嘅故事用20年去印證一番話：「係你嘅，始終都係你嘅！」
1989年，Sammi參加新秀比賽得獎後加盟華星唱片，同師兄許志安一見如故。隨後兩人喺1991年以情侶姿態合唱《其實你心裡有沒有我》，冇幾耐就開始拍拖啦！
經典「廚房宣言」
最令人印象深刻，點可以唔提安仔嘅「廚房宣言」！許志安同鄭秀文於2001年，同時獲得「十大勁歌金曲頒獎典禮」最佳男女歌手獎。許志安上台從梅豔芳手中接過獎盃，然後發表咗怠動台下所有人嘅「廚房宣言」！雖然安仔當時冇提係同邊個講，但大家都心裡有數，台下所有人起身為呢對戀人鼓掌，而Sammi亦已經泣不成聲！
安仔：有一個人我要多謝，幾年前和她在廚房裡，我跟她說：有一日你拿最受歡迎女歌星，我拿男歌手獎就好囉！她跟我說要用心去做，只要相信自己就行了，想不到今日……多謝你！
不過，呢對情侶終喺2004年分手，多年來一直傳出復合嘅消息，但雙方都一一否認。
2011年3月，許志安喺情人節當天送咗999朵玫瑰給Sammi。後來，Sammi便發表復合聲明。聲明中提到：「我並非要成就什麼驚天動地的愛情，我只想踏實地經營一段平凡人的情感。我坦承跟安仔重新開始。結果如何？我不能預計。分開多年，要彼此適應各自的改變……」
2013年，許志安喺鄭秀文生日派對上求婚成功，並於11月底兩人跟雙方家人到巴厘島旅行慶祝。當時，抱得美人歸嘅許志安興奮得向好友公告：「決定攜手共度餘生！」
至於二人會否生小朋友呢？原來安仔曾經接受訪問時答到：「害怕社會壓力，所以不想生孩子。我不忍心在孩子手抱的階段已經要為他拍學生照，找學校。這件事我們二人已有共識。」而鄭秀文都有接受訪問時談到，呢個社會太亂了，將小朋友生落嚟，未必懂教他。