史上最美周敏周芷若　賈靜雯高圓圓21年鬥防腐

2002年版本《倚天屠龍記》由蘇有朋、賈靜雯、高圓圓等人合演，至今仍係經典之一，當中「趙敏」賈靜雯靚絕中港台，足智多謀、果敢堅決嘅人物性格，加上賈靜雯圓滾滾大眼嘅索爆臉蛋，同飾演「張無忌」嘅蘇有朋談起戀愛嚟，唔少人都睇到心癢癢。當時拍埋「周芷若」高圓圓，《倚》即被大讚係高顏值之作。

估唔到21年後，賈靜雯同高圓圓最近合體拍攝雜誌封面，瞬間令網友夢回《倚天屠龍記》，被稱為「史上最美周敏、周芷若」嘅二人，今次見人繼續滲仙氣，已為人母嘅佢哋，白滑美肌更係令人羨慕。見兩人多張合照中都頭貼頭，更Share同一件大褸拍攝，半露香肩，真係睇到網友入魂，即引起熱議，除咗留言話想睇二人合作外，更直呼兩人有「SheShe」Feel，做「情侶」都有睇頭。

東網網站 : https://on.cc/東網Facebook專頁 : https://www.facebook.com/onccnews/