曾樂彤結婚︱蔡卓妍爆新娘酒量淺　衛詩雅與老公恩愛到賀

歌手曾樂彤及音樂監製徐浩今日（12日）舉行婚宴，藝人蔡卓妍（阿Sa）、影后衛詩雅與老公等有到場，送上祝福，場面熱鬧。阿Sa大爆曾樂彤酒量淺：「佢試過飲少少，就瞓咗喺沙發，要打畀徐浩接佢走。（你使唔使幫手頂酒？）有排都輪唔到我，佢有好多男同學酒量好。」講到她有份為新娘子搞婚前派對，她透露籌備了數個月：「由租場、安排食物、布置到衫搞咗好耐，當日大家飲咗少少啦，最花時間係吹氣球，其他人玩到凌晨5點，我1點幾就瞓咗。」又指曾樂彤是她眾多女性朋友中對戀愛最清醒的人。

至於衛詩雅同老公周祉安恩愛到場，衛詩雅稱開心見到曾樂彤覓得幸福，又指老公比她更早認識曾樂彤與徐浩，她笑言：「可能因為我唔唱歌，所以我唔識徐浩，我要進軍樂壇先得。」周祉安透露因徐浩是朋友的朋友，故而結識，問到有否傳授夫婦相處之道給一對新人？他們自言自己也是新婚不久，所以未有心得可傳授，講到周祉安兩年因接受手術而出現後遺症，早前再接受尾龍骨手術，衛詩雅透露：「佢情況有改善，醫生好細心分析，搵到根源，治療咗康復中，好過之前，之後再覆診睇情況。」

東網網站 : https://on.cc/東網Facebook專頁 : https://www.facebook.com/onccnews/