Coldplay開騷親吻鏡頭助人求婚　主音提偷情事件抽水

英國樂隊Coldplay於倫敦溫布萊球場連開10場騷，上周五是首晚，當去到「親吻鏡頭」環節，現場攝影機拍到一對情侶，男方舉牌寫住「我想向她求婚」，箭咀則指住身前的女友。由於Coldplay上月於美國波士頓的「親吻鏡頭」環節，意外揭穿數據分析公司已婚總裁與已婚人事部主管偷情，成為國際熱話，今次主音Chris Martin乘機抽水，笑言：「兄弟你聽住，我依家要做一啲基本保安檢查，你要跟住點頭OK？呢個人係咪你女友？唔係其他人嘅伴侶？」那名男子點頭，Chris再問：「你哋係咪表親定兄妹姊弟，或者好似呢啲怪雞關係咁？你哋係咪人工智能？你哋係咪真人？」講完笑話，那名男子在全場見證下，跪地向女友遞戒指求婚成功，令人感動。

同晚，Chris亦為一個患自閉症的年輕DJ粉絲AJ Murphy完夢，他舉牌寫住：「我有自閉症，請選我」又加上彩虹砌圖心形符號。Chris表示：「呢個牌好正，多謝你兄弟。」他繼而邀請對方上台坐在自己旁邊，並在鍵盤前自彈自唱表演對方點歌的《Troubles》。

東網網站 : https://on.cc/東網Facebook專頁 : https://www.facebook.com/onccnews/