聖誕交換禮物中伏合集！網民爆笑分享15份最垃圾中伏禮物 陶大宇衣架／阿儀攬枕／女廁鑰匙｜玩樂熱話

聖誕節剛過，唔知大家又有無玩聖誕節交換禮物呢？不過聖誕節交換禮物就一向惹來很多爭議，有些人直言是一年一度「交換廢物」，大家都將用不著的物品捐出，或將自己去年收到的「禮物」轉贈，薪火相傳咁話。近日一名網民在Facebook群組「on9仔女同盟會 (on9限定) 官方後備群」上發帖，叫大家一齊「影下你哋聖誕節交換廢物的戰利品」，留言相當精彩！

聖誕交換禮物中伏合集！網民爆笑分享

15份最垃圾中伏禮物 陶大宇衣架／阿儀攬枕

聖誕交換禮物嘅嘢，玩過嘅都知道，中伏機率高達8成以上！網民先在Facebook群組「on9仔女同盟會 (on9限定) 官方後備群」上發帖，讓大家一齊分享今年收到的中伏禮物，網民反應踴躍，留下了近300個留言。

陶大宇系列

今年的中伏聖誕禮物先由紅爆網絡的陶大宇《倒轉地球》CD揭開序幕，當你以為呢件禮物已經夠伏嘅時候，少年你太年輕了，陶大宇衣架先係大佬！衣架上面印有陶大宇尷尬的笑容、深邃的雙眼皮、加上半開合似是欲言又止的嘴巴，簡直引死人！未知師兄你收到份禮物時，有無激起你的衝動，想打獲你朋友呢？

ATV一姐薛影儀攬枕

2021年除了陶大宇紅到足以倒轉地球外，ATV一姐薛影儀也是炙手可熱的明日之星。粉絲以阿儀的泳衣照自製了多款不同尺寸的攬枕，就算未攬落去都已經感覺到暖笠笠啦！不過口味嘅嘢人人唔同，有人鍾意亦都有人唔鍾意，故此成為一件大伏禮物！

葉劉淑儀系列

葉劉淑儀是香港知名的政界名人，就算無見過都一定聽過，有網民就收到葉劉淑儀在2008年出版的圖書《四個葬禮及一個婚禮 – 葉劉淑儀回憶錄》，封面有大大個葉劉，坐姿端正，文青們很想要吧？不過有網民就指對她沒有偏見，不過書的標題太一般，引唔起人興趣，又指應試吓印葉劉寫真，可能更有奇效。另外也有人製作了葉劉染髮色板，令大家更清楚不同色號對於染髮的效果。

除了以上禮物，也有網民分享如金寶綠水、冬瓜、過期野菜汁、五香肉丁、嘉頓什餅、豬仔錢罌、親手抄聖經禮盒、女廁鑰匙、牛津字典等，有啲都至少食得同用得呀（好似係），大家又有無收到啲咩特別嘢呢？