何太何伯｜誤以為逾百億身家助創業 嫌何伯只有450萬身家 何太：我貪佢老咩？

曾經因為接受《東張西望》訪問而為人認識的何伯（何煊）和何太（葉秀定）現時已經離婚和因蓄意傷人罪對薄公堂。何太早前接受網紅訪問，稱一開始誤以為何伯有逾百億身家，但得知他只有450萬身家後，在訪問中表示：「佢咁大年紀，我貪佢咩呀？貪佢老咩？」

沉寂多時的何太早前接受網紅訪問時表示自己被前夫欺騙，以為他有過百億身家可以協助她創業：「我係一心諗住佢有可以幫助到我創業，我先至接受佢㗎咋！」、「如果佢一早比我知佢只得450萬，我眼尾都唔會睄佢」

對於被指「貪財」，她稱自己對愛情單純及「窮得正直」：「我一心諗住同佢，佢有可以幫助到我創業，先至接受佢㗎咋，講真㗎，真係咁㗎。我所以從來唔會呃人囉。你幫得到我你就嚟，你幫唔到我你就走開啦。」但對於上述說法，有網民多次質疑何太因貪財才結婚、認為何伯有百億身家無需每日在街市流連。

至於早前兩人被控的蓄意傷人罪在上月中於區域法院再訊，何太申請法援被拒，她疑有「黑粉」指她用納稅人錢打官司導致，甚至以「太多人滋擾」為由申請永久擱置案件，但被法官拒絕，案件將於3月17日再提堂。