深水埗海南雞飯　巨型巴東 牛肋骨煲｜蘇山雞飯｜深水埗

正常細鋪小店開分店，都會揀啲跨區跨遠少少，貪心啲做多啲新客。但呢間就不按常理出牌，開親都係隔一個地鐵站，證明佢地對自己真係有信心，或者九龍西嘅朋友特別鍾意飲肉骨茶。

呢間深水埗新開難得舒服闊落，主打雞飯同星馬菜，例如呢個牛肋骨煲咁。但估唔到開新鋪都咁小器，講緊個容器，不過唔洗擔心太巨型好難分，因為店員會即場拆埋肉，除非你地想成條拎住當雞髀食。

-
🥩仁當巨霸牛肋骨 配烤餅 (二人份量$148)
仁當即係巴東，本身巴東牛肉就有長時間炆煮嘅意思，但好多時容易炆到好老，呢到揀牛肋部位就啱哂，仲要巨型得誇張，慢燉到肉質軟腍，烤餅仲係酥餅，lam哂個汁。

🍗黑白雞飯 ($98)
睇店名都知雞飯係呢到招牌，黑白雞意思係有齊海南雞同醬油雞，果日食到海南雞髀真嫩滑，豉油雞入味微甜，重點係呢到油飯真係夠味又香。

🥘砂煲新加坡白胡椒排骨茶 (二人份量$120)
砂鍋連爐熱住上，大大煲夠兩個人食，呢到係走星洲風格，重白胡椒香微甘，冬天暖胃一流，仲會跟埋碟波波油炸鬼。

🥓夜市沙嗲串燒 - 牛肉/雞肉 ($80)
🧈鮮油咖吔多士 ($42)
啲小食都有啲心思，沙嗲串燒係生肉連鐵板火爐上，自己即燒更加香口，出邊真係少見，最緊要記得食咖吔多，塊牛油就黎厚過塊包。

-
蘇山雞飯
🗺️深水埗欽州街94號黃金數碼廣場地下4號舖
📞9521 0201

▼Follow foodiegogoooo
Instagram: https://www.instagram.com/foodiegogoooo/