金像男配馮皓揚被斥謀財害命　「前校長」：在背後插我一刀

現年21歲的馮皓揚（羊羊）憑電影《媽媽的神奇小子》於2022年奪得金像獎「最佳男配角」，最近憑TVB劇集《巨塔之后》再次備受注目。馮皓揚曾入讀的小童星訓練學院創辦人Momo校長近日在社交平台拍片公開控訴他和母親忘恩負義，怒指他們「在背後狠狠插我一刀」，並以「謀財害命」來結束與馮皓揚師徒關係。

前小童星訓練學院創辦人Momo校長在社交平台發布影片，帖文中寫道：「成三年幾啦，我諗咗好耐，今日決定將塊傷疤揭開。點解？就係想用我嘅教訓，等所有心腸好、成日無條件付出嘅人睇清楚，學識點樣保護自己，千祈唔好好似我咁，做咗老襯至嚟後悔。#第40屆金像獎男配角 #馮皓揚」。

Momo校長在影片中憶述馮皓揚母親曾開口說沒有錢交兒子學費，她當年曾心軟答應，但後來發現原來馮皓揚家中經營髮型屋等生意。Momo校長表示將馮皓揚視如親兒子般栽培：「我收咗幾年學費，傾囊相授，用盡人脈，推佢上金像獎嘅舞臺，佢亦都冇令到我失望，攞到第40屆金像獎男配角。」Momo校長透露自己當年無條件跟馮皓揚解約：「佢17歲嗰年我因應佢嘅要求，同佢無條件解咗本身簽咗10年嘅藝人合約，親手送咗佢入更大嘅舞台。」

Momo校長表示，馮皓揚在金像獎得獎時並沒有答謝她，之後更與她劃清界線。「佢為咗劃清界線，仲要同人哋講我哋嘅課程唔係咁正規，周圍咁唱我，完全否定咗我5年嚟嘅心血，同埋專業。最終佢仲選擇謀財害命，嚟結束我哋呢一段關係。」