曾展望成功逆襲　事業愛情兩得意

入行7年的無綫藝人曾展望（GM）曾經向母親承諾，28歲還未於娛樂事業幹出一點成績，便將重心轉往其他方面發展。他坦言曾經氣餒，幸而「死綫」前終於成功逆襲，近日更登上搜尋網站頭10名，甚至入圍角逐「萬千星輝頒奬典禮2025」的飛躍進步男藝員。談到今年事業、愛情大豐收，GM自然喜出望外，坦言知名度飊升及得到觀眾的讚賞，着實有點飄飄然感覺：「所以要拉番自己落嚟，好感恩今年事業愛情都算兩得意，身邊嘅朋友仔都話我大個仔咗。我會繼續做好啲，唔會辜負大家嘅期望。」

GM透露與女友葉蒨文都是首次以候選人身份親赴澳門參加台慶頒獎禮盛會，早已各自出動揀戰衣：「我哋冇夾過嘅，但事後互相傳相，睇完對方套衫就覺得好夾。（要揀嘅話，想佢得奬定想自己得奬？）梗係想一齊拎啦，我好貪心㗎﹗不過最終我哋是但一個攞到都會好開心，我對自己都有信心嘅。」自言日後想多拍劇的GM，不介意「情侶檔」合作﹕「我哋一早已將所有嘢搬晒上枱，拍談情戲唔驚尷尬，或者畀機會我哋演仇人囉。（如果你同其他女演員拍親熱戲，驚唔驚女友呷醋？）佢好明白事理，反而我可能會就住，或者備定案先，哈哈﹗」

場地：Chill Vietnam Cuisine and Bar（荔枝角）

東網網站 : https://on.cc/東網Facebook專頁 : https://www.facebook.com/onccnews/