謝安琪迎接「入五」踢走迷茫：肯定前面一定係好

歌手謝安琪（Kay）最近推出新歌《50/50》，她近日接受新城《得閒high tea》節目主持JY錄音訪問，現年48歲的Kay表示望着50歲，對前路有點不肯定，有點迷失，並坦言：「呢種心態逗留咗幾年，愈諗愈灰，喺這個狀態下，突然又發現，自己並唔孤單，所以想把呢個階段紀錄落嚟。」她續說：「由30歲行到依家望住50歲，拎個平常心夠用。但直到40幾歲又有新嘅關口，好想做一首歌鼓勵自已同歌迷到咗50歲時，聽到首歌會得到鼓勵。」她以過來人身份寄語迎接50歲的所有人：「無論面對任何前路同難關，冇人知道結果，無論結果如何，既然機會都只得50/50，希望大家都能攞住希望、開心同正能量迎接前面嘅路，用最簡單嘅選擇走出困局向前行。我喺40幾歲時，又再一次用呢個心態做測試，結果支持自已成功走過一段路。」

問到Kay每個10年都有不同迷茫，20望30；30望40；到現在40望50，有甚麼迷茫？Kay回答：「十幾、20歲嘅成長同迷茫都好難頂，但因好多事未試過，希望值好高，對前面嘅機會感好高，到咗3、40歲，對好多人嚟講，都會有好多大事發生，畢業、工作有唔同進展、成家立室或者做咗父母、買樓，精彩到冇時間迷失，就算迷失仍然好忙，肯定前面一定係好。」但當她到了40歲，Kay坦言40歲的迷失最難頂：「望極前面都係下坡路，好難令自已諗到前面5、60歲仍可以有大把好嘢等自己。更發現自己40幾歲開始，少咗講電話同傾訴心事，喺一片灰濛濛下生活咗幾年。」直到心情到達最谷底時，Kay突然自我撻醒：「突然有一下，同自己講，既然控制唔到，就放輕鬆啲，試下唔好乜都驚，乜都灰，前面遇到咩唔可以選擇，心態就可以選擇。」就這樣地，她重新站起來，放鬆迎接她的50。

談到Kay的經典金曲《囍帖街》被海外歌手翻唱，Kay表示感覺好榮幸，指《囍帖街》對她來說，高峰與低谷集於一身：「呢首歌，一出已橫掃好多頒獎禮，係攞獎最高記錄嘅歌曲，夾埋有百幾個獎項，當時我只係入行第3年，仍然係新人，大家唔知我係邊個，受到四方八面嘅說話，有讚，都有尖酸刻薄，每次唱呢首歌都百感交集，不過呢段時間已經過咗去，依家聽到有人唱就覺得好榮幸。」

東網網站 : https://on.cc/東網Facebook專頁 : https://www.facebook.com/onccnews/