馮德倫吳彥祖齊齊現身紐約時裝周　重拾《美少年之戀》CP回憶

馮德倫（Stephen）與吳彥祖（Daniel）向來老友，但相識30年卻從未一起欣賞時裝騷。昨天（6日）早上，二人齊齊出席在美國紐約The Hamptons舉行的時尚品牌春夏系列時裝騷，同場還有英國男星Jude Law、日劇女王鈴木保奈美、日本混血名模長谷川潤、美國R&B天王Usher等人，活動更請來90年代元祖級超模Naomi Campbell、Christy Turlington行騷，台上台下均星光熠熠。

Stephen與Daniel相識近30年，今回才首次一同欣賞時裝騷，Stephen說：「今次好開心同榮幸能夠出席品牌時裝騷，我第一次嚟The Hamptons，知道好多人嚟呢個地方度假，呢度係天氣好好、陽光海灘嘅地方。我經常出席時裝騷，今次同好朋友Daniel一齊參加。聽講佢係第一次睇時裝騷，我都好驚訝，有多個朋友傾偈好開心。」

Daniel首次獲邀出席睇騷十分興奮︰「咁大個第一次睇國際性嘅時裝騷，好開心同老友Stephen一齊，我哋已經有差不多30年嘅友情，所以一知道可以一齊參加真係好開心。」不少網民看到兩位男神同場，紛紛留言大讚他們依然很靚仔，又想起兩人多年前合作演出的電影《美少年之戀》，勾起影迷陣陣回憶。