企業強人｜譚俊彥被爆服壯陽產品？ 陳豪恨拍古裝劇：朕等咗好耐

陳豪、譚俊彥及張曦雯今天（4日）出席無綫劇《企業強人》花車巡遊宣傳活動、分別到灣仔及中環派紀念品，與劇迷近距離接觸，不過陳豪卻被熱情粉絲弄損手㬹。3人對收視滿意，陳豪說：「自己都有追看，覺得有呢個成績算係咁！」

譚俊彥笑指因該劇關係，他被速遞員仇視：「平時見到我冇乜反應，近排有啲好似畀我炒魷魚咁，我覺得都幾得意，仲有很多朋友話我係壞人，大家睇落去就知其實我同John哥（姜大衛）都係好人，不過我好羨慕陳豪，劇中啲女都畀佢追晒。」

譚俊彥最近為男士保健產品拍廣告，他強調是健康保健產品，他笑言：「其實我細個已經食，係為咗健身持久力強一啲，不過有啲副作用，搞到生咁多個。」在旁的張曦雯聞言笑指是壯陽產品，問她的男友可需要服用，她尷尬搖頭表示不用，譚俊彥則說：「擺喺佢屋企門口送畀佢。」

龔嘉欣因在劇中有多場喊戲，獲網民大讚兼力推視后，問同是女主角的張曦雯，在之後集數會否演技大爆發？她說：「之後會交代同陳豪仲係夫婦時，經歷好多抗癌嘅生離死別，會有好多突破畫面，例如戴頭套光頭畫面。」陳豪笑說：「做得TVB藝員，當年光頭look都要傍身，𠵱家剃光頭我都唔介意，都不知幾想開古裝劇，朕真係等咗好耐。」

（即時娛樂）