Yumi自降身價唱周年晚宴被噓爆　網友群起抵制品牌

「聲夢小花」鍾柔美（Yumi）日前為謊稱「A0」而聲淚俱下道歉，同時被踢爆扮單親家庭博同情，大話冚大話全部爆晒煲，人人喊打嘅佢盛傳遭無綫雪藏，搵嚟《聲夢傳奇2》冠軍任暟晴（Jasmine）頂替呢位大話精。一夕間冇job冇人氣嘅Yumi，被發現放下「假玉女」身段，接下地產公司周年晚宴表演工作，台上大唱特唱，將連日一腔忿怒寄情難得嘅工作之中。自知形象大跌嘅佢，亦放棄一貫性感風格，改以保守牛仔恤衫上陣，望可以挽回丁點人氣。消息於網上散開後，大批網友留言狂寸佢：「truth or dare輸了是不是要買樓」、「以為係yumi 45歲生日派對」、「淨係請得起Yumi呢啲暗星？」明顯仍不接受Yumi繼續賺錢，更有多位網友稱要抵制該地產品牌，指搵Yumi做嘉賓，係自尋死路。

東網網站 : https://on.cc/東網Facebook專頁 : https://www.facebook.com/onccnews/